|
رد: يِفُعلْ غُيِآبِكْ مُثلْ مآيّفٌعلْ آلحٌربْ ..[ لآ آمُنْ لآ آسِتقُرآر لآ غُيّرْ ذِلك]!
ياللي تجر الصوت عذب الطواريـق
شبيت في قلبـي لهيـب وحرايـق
ماتدري ان الصدر يشكي من الضيق
شكوى السجين اللي بلوه الخلايـق
من دونه البيبـان سـودً مغاليـق
والحـظ عيّـا لايقـول الحقـايـق
راحت حياته بين محضر وتحقيـق
خلاه حظـه بيـن مجـرم و بايـق
حالي كما حالـه ولا فيـه تفريـق
ويسوقني من كثـرة الهـم سايـق
من واحـدً بينـي وبينـه مواثيـق
وعزا الله انـه مايخـون الوثايـق
لاغاب عني علـق الـروح تعليـق
واحسب حساب الثانيـه والدقايـق
وبشوفته للقلـب فرحـه وتصفيـق
والارض تنبت من زهرهـا حدايـق
شفني على فرقاك ياحالـي الريـق
متعكـر جـوي ولانيـب رايــق
من وحشتك خيم على صدري الضيق
واليوم قلبي مـن سبايبـك ضايـق
شبكتني شبكـة قصيـر المسابيـق
روحي وروحـك بالمحبـه شقايـق
وان قلت صبرك قلت ماقدر ولااطيق
يعني على فرقـاك مانيـب طايـق
|