آبــْــلــَــــــه ْ ســَــــــــــــارَهْ ..







إنتقــاء أتمنى أن يلاقي إستحسانكم ..


يانوره .. بالله اسمعي لا تصدين ,,,--,,, يا بنت حـر(ن) مركزه بــالصداره ..

شيء(ن) جرالي قسّـم القلب قسمين ,,,--,,, و إبـلا ملامه إفهمي للعبـاره ..

بــ أول دوام المدرسه يوم الإثنين ,,,--,,, معـلـّمه في وجـه باب الإداره ..

وقـّفت بــ الـلجنه على سادس إثنين ,,,--,,, مثل المجنـّد ينتظر للإشـاره ..

هذي تنادي و هذي آبله أنا وين؟ ,,,--,,, زحمه و تـوّ اليوم بــ أول نهاره ..

أصوّت لــ بنتين و بيدي بنتين ,,,--,,, نوره .. مضاوي .. عايشه .. مي .. يارا ..

و سمعت صوت رجع الوقت لــ سنين ,,,--,,, صوت الذي إسمه بنقش السـواره ..

" إختي عن إذنج ناقل البنت هـالحين ,,,--,,, تفضلي الأوراق و الإستماره " ..

عجزت لا أجاوب ولا أرمش العين ,,,--,,, طوّل سكوتي و هو طال إنتظاره ..

حسّيت كن الدم مثل البراكين ,,,--,,, شريـان قلبي وصل حد إنفجـاره ..

و رفعت راسي و صارت العين بــالعين ,,,--,,, و لمحت في عينه سواة الشـراره ..

هو .. هو و إلا واهمه يا مسلمين ,,,--,,, زوله و رفعة حاجبه مع سمـاره ..

لا ما تغيـّر فيه يا كود شيّين ,,--,,, حـفّ الشنب و الشيب زاد بــ وقاره ..

أتلا علاقتنا ثلاثه و تسعين ,,,--,,, أول حـلاة العمر قبل إنكسـاره ..

الشاهد الله ما حصل بيننا شين ,,,--,,, و لا يخدش إحساس بنت و عذارا ..

نعم الحبيب اللي الطيب و الزين ,,,--,,, نعم الرفيق اللي حفظ حق جــاره ..

يا وجه أبوي الوجه مرحب وسهلين ,,,--,,, لا يا بعد روح و معاليق سـاره ..

ودي ألمـّه و ودي أصيح بس وين ,,,--,,, مثل الكسير اللي نشب وسط غـاره ..

ما يستطيع المشي من دون رجلين ,,,--,,, و حوله جنود تشتهر بــ الشطاره ..

يــا للآسف هــالحين صرنا غريبين ,,,--,,, حكم القدر و أصدر علينا قــراره ..

الهـمّ و الغربـال و الفقـد و البيــن ,,,--,,, أنا أسيره تنتظر للزيــاره ..

ويلي علي لا مـاك ويـلاه يا حسيـن ,,,--,,, يا من يجمعنا و أسوق البشـاره ..

ساره ؟! وسكت له لحظة كنـّها سنين ,,,--,,, و أقفـا و أشوفـه يـوم شبّ الـزقـــاره !!

[/CELL][/TABLE1][/ALIGN]