رموش نملة/ صحيح كلامك الوقت يمضي والنكهة تبقى وأبشرك الرابعة والخامسة خلصت والسادسة تحت الدبغ الآن وان شاء الله راح أنزله لما أخلص من السادسة في رابط واحد وبنفس الوقت راح بعطيكم رابط تتابعون فيه أول بأول بدل ما أنزلها هنا ... علشان نستغل الوقت
قلم ماسي / بإذن الله لما أخلص نهائياً راح أدمجها في ملف واحد بعد ماننقحها ونعدل الإخطاء الي فيها لأني بعد أنتظر أي محاضرة مباشرة للدكتور ودي أناقشه في بعض النقاط أساس أوضحها لكم..
وبالمناسبة ياليت الي قراها وذاكر منها يعطيني رايه من ناحية الأسلوب ووش ممكن أعدل للجاي، ولاتشيلون هم ان شاء الله راح أكون معكم حتى يوم الإختبار
أشكر الجميع فردا فردا على الثقة وعلى الإنتظار وحملتوني مسئولية أكبر مني ... أنا أحاول قدر الإمكان أخلصها بدري علشان يمديكم تذاكرون والله ينفع فيها
بس ذاااااااكروا وياااااااااااااااويل واحد منكم يرسب ... فلكه بالطابور وفي البرد
تأكدوا الموضوع ماخذ مني كل اهتمامي ومأجل كل شيء لأجل أخلصكم بدري ... بصراحة أنا لماسويت الثلاث الأولى ماتوقعت تكون بالمستوى وأحرجتوني أكمل، ولاتشلون هم راح أكون معكم إلى يوم الإختبار وبإذن الله كلكم بتنجحوووووون
الله يعطيكم العافية أجمعين وشاكر لكم ثقتكم مرة ثانية .... والله لايحرمكم أجر دعواتكم ولا يضيع تعبكم وينجحكم كلكم في كل المواد
تحياتي للجميع