|
رد: مساااعده انسانيهـ للي يقدر يسااعد ونداء خاصة لتخصصات كلية الاداب .....
حبيبتي اول شي لاتهايطين وتنفعلين وخذي كلامي بحسن الظن
انا ماقصدت اتطنز والا اضحك على احد كلنا فقراء لله
ولو بهايط ترا هايطت لبكرا وبالصدق مو كلام ماني ذاكره كم عدد الاعضاء اللي ساعدتهم بحل الواجبات ومن جهازي سويتها وماني ذاكره كم عدد اللي ارسلتلهم ملخصات سواء بشمال المملكة والا بالجنوب بمجهودي الشخصي اطبعها واغلفها وارسلها وترا قيمة اللاب توب 1900 ريال يعني ماهي شيء اذا بحتسب فيها الاجر واعتبرها دفعة بلا و ردودي ي مواضيع سابقه اكبر شاهد لي بأشياء قلتها وسويتها فعلا .. وخدمتك الانسانية اللي تقولين ماقلنا فيها شي ولا تطنزنا عليها لكن فعلا تساؤل جاني وانا جالسة على شاشة اللاب وجمبي بنتين كلهم قالوا طيب والمحاضرات كيف يحظرونها اذا انتي بتحلين الواجبات والمناقشات وتحضرين انتي المحاضرات مو هم حتى وحده من البنات بعظمة لسانها قالت ( اجل لو مادفعوا للجامعة وخسروا فلوس افضل لهم) انا من الناس اللي يحبون دآيما انهم يخدمون ويساعدون ومهما علت مكانتي بين الناس احب التواضع وخدمة المحتاج ومساعدة الضعيف ولا في يوم تكبرت على احد والا تطنزت على خدمة ناس لناس زي ماانتي مفكره
اذا بتتكلمين عن الصروح الجامعية واسلوب الجامعيين لازم يكون ادراكك أشمل وصدرك اوسع لتقبل جميع شرائح المجتمع وتفكيرهم والاسلوب الجامعي ابعد ما يكون عن الحوارات التهّجمية زي اسلوبك، يوجد مشايخ وطلاب علم ودكاترة وفلاسفة و وجهاء مجتمع ملوك وعظماء وامراء كل له اسلوبه الخاص اللي يتعامل فيه ماجينا قلنا والله يالسدلان انت شيخ كبير ومن هيئة كبار العلماء وشخص معروف عيب عليك كيف تتكلم وترد بعض الردود الخارجة عن الرسمية والمجاملة لبعض الناس والا طارق الحبيب لما تكلم على فئة من المجتمع اهالي منطقة معينه و و و .. أمثلة على ذلك كثير ، ليش نروح بعيد هنا تجولي بالملتقى والاقسام وبتلقين العجب العجاب ناس اخذوا الشهادة مرتين بعد كلن له مكانته واعتباره ومع ذلك لا نقيد شهادة بشخص او علم حصل عليه بتصرفاته
انا انسانه خلقني ربي مااحب أنـــافق اكره النفاق والمنافقين والمجاملات الزايده عن حدها والرسميات اللي 24 ساعة ولا اشيل بقلبي على احد والكلام اللي اقوله مو مشكلتي اذا فهموه الناس حسب ماهم يبغون يفهمونه اللي بيحسن الظن بيشوفه من منظور واللي بيسيء بيشوفه من منظور آخر
اتمنى تكون الفكره وصلت  لاني كتبت الرد وانا مشغووله جدا ومستعجله لكن ماحبيت اترك الموضوع كذا خصوصا انك تحمستي مره 
واشربي ليمون روقي اعصابك شكلك جآيه مشحونه 
والله يوفق الجميع والاعمال بالنيات وانتي على نيّتك وظنك 
|