|
رد: [ عبر شعورك يالعضو واكتبه هون ]
قالوا حبيبك يسمع الشعر , قلت ايه ***** يـقـراه بعـيـوني قبـل تسـمعونه
لولاه حـتى طاري الشـعر مـا أبيه ***** مـيـر اكتبه من شـان خـاطـرعيـونه
هو روح شعري وامنياته وماضيه ***** جذع الشجروش كان لـولا غصونه
اكـتب لغيره والـقصـايد تجي فيه ***** كـن القـصايــد حـالـفـه مــا تخـونه
هذاك لا منه زعل .. قمت أهاديه ***** حـتـى وهـو مخـطي تـعـذرت دونه
يمكن لو انه يلمس الجرح بيـديه ***** يســتغرب ان اللـي لمـسـهـا طـعـونه
أبطى وهو غايب وزلت حراويه ***** وأنـــا من العــام اتـحـرى مــزونه
هو ما درى اني في غيابه محاتيه ***** ليته نـشـد عن حـالي اللي يجـونه
واقلبي اللي توه الت عراويه ***** كيف انسرق وضلوع صدري حصونه
عـجـزت ارده كن مـاني براعيه ***** يوم انتـثـر شــوقه وهاضت شــجونه
يـبسن عـروقـه لكن اللي يعزيه ***** ان أكـثـر العـالــم .. تـردد لـحـــونه
خافوا من الله..لا تجيبون طاريه ***** لا صـرت أنا مـوجود.. لا تـذكــرونه
لو كل غالي.. جابه الله لغاليه ***** مـا شـفت لك مـخلوق.. تبكي عـيـونه
|