2011- 12- 1
|
#45
|
|
أكـاديـمـي مـشـارك
|
رد: سالفه وقصيده
مرحبا اني جالسه اتسامر مع االاهل تعرفوا هالجو للسوالف ههههه وجت هالقصه قلت اشاركم بها
على وقت حكم الامير محمد العبدالله الرشيد لنجد قبل أو بعد سقوط الدولة السعودية الثانية ذاع صيت دغيّم الظلماوي الشلاقي الشمري بالكرم وخاصة بعد ذياع قصيدته المشهورة بالقهوة اللي يقول بها مخاطبا عامل القهوة عنده " كليب " :
ياكليب شب النار ياكليب شبّه = عليك شبة والحطب لك يجابـي
وعلي أنا ياكليب هيله وحبّه = وعليك تقليـط الـدلال العذابـي
وادغث لها ياكليب من سمر جبّه = وشبة اليا من غفى كل هابي
باغي ليا شبيتها ثـم قبّة = تجلب لنا ........ ربعٍ سراة غيابي
بنسريةً ياكليب صلفٍ مهبه = لا هب نسناسه ..... تقل سم دابي
سراةٍ بليـل و ناطحين مهبه = متكنفين .. و شوقهـم بالعذابي
الوالمة ياكليب عجل بصبه = و الرزق عند اللي ينشى السحابي
صبة لقرمٍ صرفته ما حسبه = يوم البخيل مكنهب الوجة هـابي
وصبة لمنعورٍ .. ليا جا نبة = يرخص بعمره والدخن لها ضبابي
وعده عن اللي مايداري المسبه = اللي يدور.. بالقصير الغيابي
عن الطيب عده نازلٍ له بغبه = يضرب علي درب الخطا مايهابي
لا باطن الهلباج خطوا الجلبة = يا حلو خبط عصيهم بالركـابي
أطمر لهم وأبدي سلام المحبه = لا جو على هجنٍ يديهم خرابي
سلام أحلى من شخاليل جبه = وأحلى من السمن الجديد العرابي
مع كبشً مصلاح راسه نجبه = لا دبـّر الهيـن متيـن العلابي
خطو الولد يوم الملاقي نكبه = يأتي علينا .. من حساب الزهابي
وحتيش لو يلبس زبونٍ وجبه = معيرة ... على غضير الشبابي
أنا لقيت الصبر يازين غبه =يرقيك رؤوس مشمرخات الهضابي
من لاصبر ياكليب في حكم ربه = هـذاك يوم البعث ماله ثوابي
يقولها اللي ما حسب المسبه = ولا عرقل الاجواد ببعض الهلابي
هذا هوى بالي .. وهذا طبه = قبل مايسفح ..... علينا الترابي
سمع الامير محمد العبدالله الرشيد بكرم الضلماوي وكثر ذكر الناس فبغى يشوف الضلماوي وصدقه عن دلته اللي يسميها " الوالمة " يوم يقول :-
" الوالمه " يا كليب عجل بصبه = والرزق عند اللي ينشى السحابي
يوم جاء تالي ليلة من الليالي قال الامير لبعض اخوياه الخاصين ترانا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الظلماوي ورحب بهم وهو لم يعرف هوية ضيوفه يوم دخلو دار القهوة .. اللي يشب فيها النار و تطبخ القهوة للضيوف وشاف الامير محمد الوجار الا والله .. النار حيه و" الوالمة " على ما قال على النار وصب لهم الظلماوي من الوالمة وقام يحمس الثانية و قبت النار( إرتفع لهيبها ) ... بقبة النار شاف الظلماوي الأمير محمد و عرفه من هيئته ..و شاف الغضب بعيونه يقدح شرار ..
هنا قالهم الامير محمد :- ما تقولي يالظلماوي وش عندك به يوم انك تقوصد يا كليب يا كليب. . فعرف الظلماوي ان الامير زعلان فقبل رأسه وقام ومد يده للامير وقاله :-
مده رهن لولاك ماقلت ياكليب = ولا قلت شب النار وصر موقدٍ له
في ليلة تجدع سواة المشاهيب = نسرية ........ تلصق خليل لخله
نطعن بعزك ياحصان الاطاليب = عسى الله .. جمع حزمتك ما يفله
يالجوهر الناريز يالمسك يالطيب = يا عنبرٍ ..... من جربه مايمله
تكفي محاليب .. وتملى مجاليب = وكبدٍ تيبسها ....... و كبدٍ تبله
ياطير شلوى مالقي بك عذاريب = لو تستحتي ما تجمع الطيب كله
يا بو اليتامى والارامل ومن عيب = وأبو لمن صار العصى ثالثٍ له
وابو المحرول والعمي والمحاديب ومن ضامته بعقاء صرت ولدٍ له
أن كان هرجي به عليكم عذاريب =سامح عسى من عقبك بألف حله
الله يرحمه إرتجل ابيات و جمع ثمان خصال في بيتين يوم يقول
يا بو اليتامى .. و الأرامل .. و من عِيب .. وأبو لمن صار العصا ثالثٍ له
وأبو المحرول .. و العمى .. و المحاديب .. ومن ضامته بقعا صرت ولدٍ له
وإنسر خاطر الأمير محمد الرشيد بعد ما سمع هالبيات و اثنى على دغيّم و أكرمه و جعل له عطايا من قهوة و معاميل علشان تبقى الوالمة مشبوبة طول ما هو حي ..
تقبلوا تحياتي و تقديري لكم
|
|
|
|
|
|