تعبت اسأل متى اشوفك وامد من الحنين جسور
تعــبت اساـيـر طـــيـوفـك وانـا واعــي ولا واعــي...
تـعــبـت افـتـح شـبابـيــك الـوله للـمـوعـد الـمهـجـور
تعبت أشهق مع انفاسي ونـين الـناي والراعي...
تخيلـتك مسـارح شــوق واحـساسـك ولـه جمهـور
وهقيت اني بلحظه شـاعرك وعـيونـك اـتبـاعي...
نشـرت مـن الـوفا نـور ونـثرت من الغــرام زهور
انا وش ذنبي ان كانت حروفي تكتب اطباعي...
أمـد ايـديـنـي اســتـنـجد ـلقـاك وخـاطري مـكـسـور
وتــشر لي على فرقــاك وانـت هـنـــاك وتـراعي...
حبيبي اتذكر اوجاعي هاك اللحظه وانا مقهور
ترا للحين انا مقهور واوجاعي هي اوجاعي...
بعد ماسقيتني كاس الجــفا هـم وتعــب وغــرور
بعد ماارويتني فرقا تجي تنشد عن اوضاعي...
حبيبي مات لك وسط الحشا من غيبتك عصفور
عجز يلحق مداك ولا رضى يستوطن اضلاعي...
وشعري ماعلــيــه خـلاف وديـانـه تســيــل ســطــور
مادام احـساسي غيـوم وسحـاب ودفـتري قاعـي...
تـرى مــالي حمــل طـعـنه جـديـده لـعن ابـوه شـعـور
اذا مــاطــاعــــني قلــبــي قــــســم للــويــه بــذراعي...
يقولون الكـــلام فــيــما مـضى فــيه للعــقــل قـصـور
وأقـــول عــقولنا مــن غــــير ذكـرى مالها داعي...
حــبــيــبي كــثر الله الــف خــيرك تســلم ومــشكــور
بـعــد ماذبــلـــت ورود اللــقـا ذي ورده وداعـي...