صحيح إني من زمان دارسه بالكليه و متخرجه منها كمان بس حبيت أقول لك إنك زي ماقالت غيمه المفروض تختاري على حسب ميولك إنت . زي ماتشوفي إن كل طالبه تمدح قسمها ليه؟ لأن هي إختارته برغبتها و هي حابه تدرسه . لو قلت لك مثلاً أنا قسم رياضيات و الرياضيات حلو و ...و .... الخ هل راح تقتنعي و تدخلي الرياضيات؟ ممكن أنا أقول كذا لأني أحب الرياضيات و على سبيل المثال أكره الكيمياء يعني راح أنصحك تبتعدي عن الكيمياء, صح؟ أنا أقول انت اختاري اللي تحبيه و اللي تستمتعي بدراسته أكثر لأن هذا راح يكون شي ماراح يتغير طول عمرك و راح تعيشي معاه. اتركي كلام اللي يقول هذا ليه مستقبل و هذا ماليه لأن يمكن يكون القسم له مستقبل الآن لكن بكره لا. أهم شي تكوني إنت راضيه عن الشي اللي انت تدرسيه. أنا أول مادخلت قسم الرياضيات سمعت اللي يقول ماله مستقبل و حتى لمى تخرجت كمان لكن أنا لأني أحب الرياضيات فأنا راح أكمل فيه مهما يكون كلامهم وهذا أنا جالسه أكمل الماستر لكن وين اللي قالوا لي ماله مستقبل الحين؟ طلع له مستقبل أو لا؟ مستقبلك إنت تسويه بنفسك ماحد يقرره غيرك. فكري انت بنفسك و توكلي على الله.
بالتوفيق