ملتقى طلاب وطالبات جامعة الملك فيصل,جامعة الدمام - عرض مشاركة واحدة

DANA · 2009- 8- 25

اقتباس:

المشاركة الأصلية كتبت بواسطة يارب تتسهل

السلام عليكم ورحمة الله

كيفكم إنشآء الله طيبين ،

انا سجلت بالجامعه لنظام المنح وسجلت بتخصص تقنية معلومات والله مدري وين ربي قاطني بذا التخصص بصراحه ما اعرف شي انا متخرجه توي من الثنويه ، واملي الاخير بالاتحاق الجامعي بجامعة الامير محمد جامعة فيصل ماقبلتني

بكررااااا عندي اختبار قبول بالجامعه ولا ادري كيف صيغت الاختبار إنقلش ، مقآبله ، صعب ، سهل !!؟

ماعرف شي

ياليت إللي يعرف يعلمني كيف طريقة اختبار القبول كيف طريقة الاسهله على كمبيوتر او تحريري

وبالنسبه للتخصصات تقنية المعلومات تتفرع لـ(هندسة حاسب ، تقنية معلومات ، علوم الحاسب)

ياليت تفيدوني بأندى فكره عن التخصصات ، وعن مجالات توظيفها بالحياه ، ومن افضل تخصصات الحاسب ، أو ، أدرارة اعمال

بليز الله يخليكم إللي عنده اي معلومات لا يبخل على محتاجه مسااعدتكم :praying:

أختكم . ود

وعليكم السلآم ورحمةالله وبركاته

لاتشيلين هم الاختبار سهل ووالاختبار مكون من اربعة أجزاء

الاول: الفوكابلري , راح يكون على الكومبيوتر ووهذا سهل مره يعني يجيبون لك اسئلة من نووع الاختيار ويعطونك اربعة اختيارات وانتي تختارين (كله من الي درستيه بأيام المدرسه ) يعني مثلا is تجي مع (she /he/it) '
طبعا هم بيجيبونها لك بجمل ووولاتنسين في لك وقت محدد بس من سهولة الاختبار بتخلصين قبل الوقت بكثير.

الثاني: الرايتنق , بتعطيك ورقه فيها موضوعين معبّر عنهم بشكل بسيط مايتجاوز السطرين وانتي تختارين واحد منهم الاسهل لك يعني مثلا تكتب عن الغش( هو أمر ليس محبوب عند الناس ويترتب عليه مضار فماهو رأيك؟) وو تكملين انتي عليه تعبرين من عندك وومايقل عن 250 كلمه ولا يقل عن 35 سطر ومعك 40 دقيقه بس . .. بصرآحه هذا الاختبار يعتمد على توليد الافكار .. بس لاتشيلين هم ا شاءالله بيكون سهل . وهم كذا ولا كذا قابلينك قابلينك

الثالث: المقابله , رآح تكون كلها بالانقلش (الاختبارات الثلاثه الاولى هذي راح تكون مع مدرسه امريكيه يعني تشرح لك بالانقلش ومافي مجال للتحدث بالعربي لانها ماتعرف)
1-رآح تسألك وش تبين تتخصصين وليه اخترتي التخصص هذا ؟.
2- كلميني عن نفسك ووعن أفراد عائلتك.
3- وش راح تشوفين نفسك بالمستقبل ؟.
4-وهل زرتي مدن من قبل ؟وش انطباعك عنها؟ وش الشي اللي أعجبك فيها ووش الشي اللي ماعجبك فيها؟
ومن هذي الاسئله يعني. لاتنسين هذي الاسئله كلها بالانقلش وانتي بتجاوبينها بالانقلش .

الرابع: المقابله , بس هذي بالعربي (طبعا مع سعوديه)
1-بتسألك ليه اخترتي التخصص .؟
2- اذا عطوك الامر انك تتحكمين بالعالم وش راح تغيرين فيه ؟ هنا راح تدخل معك بتفاصيل مالها اول مالها أخر.
3- وو وش راح تشوفين نفسك بعد 10 سنوات.؟
4- و واذا كنتي تترئسين موظفات وغلطت وحده منهم كيف راح يكون تصرفك معها؟
5-اذا كنتِ من ضمن مجموعه وخيروك تبين تترأسين هذي المجموعه وتكونين القائد عليهم ولا تكونين من ضمن اللي في المجموعه؟ هنا على كل كلمه انتي تقولينها راح تدقق عليها فأنتبهي .

بس اهم شي لاترتبكين بيني انك واثقه من نفسك.

ووبالنسبة للتخصص حلوو بس يبغاله كرف يعني اللي أسمعه انه مو سهل واذا انتي حابته أكيد بتتفوقين فيه ..

انتي شوفي ميولك للأداره أو لتقنية المعلومات .

انا لما جيت أختبر بالجامعه في بنت كانت تمدح لي الاداره الماليه وانو الطلب عليها كثير.

أنا شخصيا أخترت هندسه .

وانتي ووميولك وحبك للشي

بالتوفيق ان شاءالله