|
رد: [ عبر شعورك يالعضو واكتبه هون ]
كـل شي بالدنيا فقـــــدنــــــــــا معانيــــــــــه *
--------------------------------------------------------------------------------
ضاع الأمل والوقت مات الوفا فيـه
عشنا وشفنـا فـي زمنـا الخيانـه
واللي تمنى الصدق خابـت هقاويـه
من عقب ماشاف الغدر مـن زمانـه
يامن...يعـزي وقتنـا فـي مباديـه
يرثي حقيقة واضحـة فـي عيانـه
كـل شـي بالدنيـا فقدنـا معانيـه
حتى الكلام يخـون وصفـه بيانـه
كم واحد بالنـاس لا جيـت شاريـه
خان المشاعر منك والصـدق خانـه
واحـد تشوفـه ماتمـرك طواريـه
وانت ...ان عطيته طاري الود صانه
ماكـل قلـب ياخـذ الـود يعطيـه
وما كل نفـس قـد حمـل الأمانـه
والحب وش ..معناه لاصار غاليـه
يرخص بخاطر مـن يحبـه مكانـه
ياللي شكيت لحاضر الوقت ماضيـه
يوم الوفا في خاطـرك لـه مكانـه
ما لك على الدنيا عتـاب ومشاريـه
دام القدر مـا لـه أمـان وضمانـه
هذا الزمـان اللـي خذتنـا بلاويـه
وش عاد يعني لو خسرنـا رهانـه
يخطي علينا الوقت وحنـا نراضيـه
والصبر يطلـق بالمشاعـر عنانـه
كم واحـد زادت جروحـه مآسيـه
لكن...تحمـل دون هـزة كيـانـه
العمر فيه مـن الأسـى مـا يكفيـه
وما يستحق الوقت نزعـل عشانـه
 
|