|
رد: ضروري لكل المستجدآآتـ كل مايجب معرفتهـ من تجربتي واي سؤالـ حاضرين
تهته
اول شي مبروك القبول ثاني شي
انتي انقبلتي حاسب وتقدرين اذا تبين محاسبه او تسويق تحولين عادي بس بعد اول سنه ع مااتوقع
يعني مو من البدايه بعد فتره اغلب ظني سنه
واول سنتين المواد مشتركه لكل الاقسام فلا تحاتين كل شي سهل وحلو
وبيسون لكم بالبدايه اجتماع للمستجدات ويشرحون لكم و يفهمونكم وكلللل شي بس لاتحاتون
واستانسوا الدراسه تجنن وتوسع الصدر والله بس لازم الجديه & الوناسه
مااقولج لازم تدرسين اول باول لا مو شرط بس كل امتحان ادرسي
كل ماده فيها اختبارين مد اول ومد ثاني يسمونهم مد اول بدال اختبار شهري (هالاسم بالمتوسط) هههههه
اي وبعض المواد مو اختبارين لا اختبار واحد ويختلف توزيع الدرجات من دكتوره لدكتوره او دكتور
وطبعا اكيد في اختبار فاينل (النهائي) وجدول الاختبار النهائي ثابت من بداية السنه لكل البنات والمواد
وبعد شنو تبون تعرفون 
|