زعلان لكن أعرف اشلون اراضيك
ماحد غيري يعرف " بطبع خلي "
أعرفك لا منك تضايقت واشفيك
ماعاش من زعل حبيبي وكلي
ساعات لي خاطر اجيبك " ووديك "
وأرفع حراره " حبنا " بالتغلي
أقول ما " أحبك " وما ابيك ماابيك
عشان أغيضك بس وأفش غلي
لا الحقيقه أني أهواك وأغليك
و " محبتي " لك ما بعدها تخلي
ودي احطك وسط عيني وأغطيك
علشان ماتبعد عن العين ملي
زعلان مني كل كلي يراضيك
ماحد غيري عارف " بطب " خلي
يالله " ابتسم " بالله ذبحني تغليك
يكفي حبيبي "- مد بوز -" وتغلي