خبر عاجل .. حافز يضع شرط جديد على المتقدمين .. اذا اخذت الراتب .. تراك ما تقدر تصرفه من البنك .. وبنجلس نجمعه لك الين تلقى وظيفة .. واذا لقيت وظيفة .. تبدأ تدفع لنا اللي دفعناه لك .. طبعا ممنوع عليك الدخان والشيشة والمعسل ..
ما تاكل الا مرة وحدة شاورما بالشهر .. الفلافل مسموحة بس يوم السبت والاربعاء .. اذا بتفصل ثوب ممنوع تفصل عند يمني او باكستاني .. تفصل عند بنقالي ويخب عليك .. طبعا نهاية كل اسبوع ترسل لنا وش سويت بالفلوس .. وأين انفقتها .. وترى أي زيادة في الصرف تحاسب عليه .. سالفة تطلع كل خميس وجمعة وفلة ومدري وشو ما فيه ممنوع ..
حدك يوم في الشهر تطلع تفلها فيه وحدك عشرين ريال تصرف فيه .. سالفة في العيد بعطي امي عيدية والا اختي والا عمتي .. ترى ما فيه .. محنا بشغالين نصرف عليك وعلى اهلك .. حاول انك تسوي ريجيم علشان لا تاكل واجد ومن ثم تقوم تصرف واجد ..
ياخي تدري .. الفين ريال كثيرة عليك .. لك خمس مية ريال بس .. والف وخمس مية لأخواننا في لبنان مساكين ..
ويا بلادي واصلي ..