ملتقى طلاب وطالبات جامعة الملك فيصل,جامعة الدمام - عرض مشاركة واحدة

أم رند@ · 2011- 12- 6

اقتباس:

المشاركة الأصلية كتبت بواسطة بنت الخبر@

كلامكم صح

بس من اسباب الفشل تحط عيوبك على غيرك

لسى فيه وقت للمذاكره قبل الاختبارات
والمحاضرات اكيد موجوده بالمنتدى

غير الملخصات والشرح بالمنتدى

والواجبات والمناقشات لسى ماتقفل الموقع عشان تحتجون

يمكن هالشي سلبي بالجامعه بس يمكن فيه خيره لكم

خلو نظرتكم ايجابيه لسى مانتهى الوقت

عزيزتي احنا ماحطينا عيوبنا شماعه على غيرنا..

بالعكس لو تشوفيني أول مانقبلت من الفرحه كني طفل أول مايدخل مدرسته وفرحان فيها ومنتظره ع أحر من الجمر أبدا مذاكره لأن عندي دافع قوي للنجاح..وفي بالي أول بأول وراح تتسهل الصعوبات..بالرغم من ضعف و قلة المعلومات عن أسلوب وطريقة الدراسه عندهم..وسألت كم مره عن الطريقه محد عطاني علم(مجرد زميل لزوجي قال:3واجبات و14نقاش وخلاص)<<توقعتها كذا كامله لكل المواد<<ماتوقعت لكل ماده هالكوم... إلين اكتشفت من نفسي عن أنظمتهم وطريقتهم..
لكن هم كوّموها علينا واحنا ناس موفاضيه ورانا بيوت وعيال ورجال ومسؤوليات مالله به عليم..

بالنسبه للمحاضرات ياليت تجيبين لي رابط لموضوع متحمل عليه كل المحاضرات وتفتح فيه كلها..!!وأكون لك شاكره..
من يومين بدأت الانجليزي وكنت اتابعه من البلاك بورد..يوم هنّق لقيت رابط لموضوع في منتديات النقاش وفرحت انه محمل فيه جميع مواد المحاضرات...بس للأسف نفس المشكله أغلب المحاضرات ماتفتح وبعضها لسّه مانزل.....!!

ملازمي من أول السنه طابعتها..والانجليزي توهم يتكرمون يكملون تنزيله هو والعقيده..
بس هم سبب ضياع وقتنا..لأنهم صاروا ينزّلون لنا المحاضرات بالجمله ومتاخرين بعد..
لابد مننا كمستجدين اننا نتابع المحاضرات ونشوف شرحهم خصوصا اننا من زمان عن الدراسه والمخ فاااصل بس والله انصدمت بقوة في اغلب المواد مافيها شرح كافي خصوصا قواعد النحو والانجليزي..والا ذيك الماده اللي دكتورها يتفنن في أسلوب اللف والدروان عالمعلومات..

احنا مو عباقره وفينا فروقات فرديه والهدف من الدراسه مو انهم يفردون عضلاتهم علينا..نبي نستفيد ونتثقف بأسهل طريقه للماده العلميه وخلاص ليش التعقيد..!!<<ماأقصد الكل من الأساتذه بالعكس بعضهم عطانا المعلومات على طبق من ذهب..

عالأقل مايقدمون اختباراتنا بهالشكل من السرعه..ماأمدانا نبدا عشان نختبر..

والسموحه على الاطاله....مجرد فضفضه من الضيق اللي فيني...