سمسم وش خليتي لي عشان اقول
انا بكمل على كلام اختي سمسم الأرشجونيات اذا قرأتيه اول بأول واهم شي انك تكتبين مع د. امنه الراعي
لانها تحب تزيد عن الكتاب وتظهر الطالبة المنتبه والغير منتبه كل اللي تقوله زايد عن الكتاب تجيبه في الأمتحان وامتحاناتها موضوعي بس دقيق انتبهي:t1: انا ما اخوفك بس عشان تنتبهين المنهج عبارة عن دورات حياة وان شاء الله تسهل عليكم نفس ما سهلت على بنات العام واللي قبل العام نفس ما قالت سمسم
علم الخلية احنا درستنا د. غادة الحواس بس سمعت العا م البنات درستهم د. ريم المعيقل يعني ما اقدر افيدك في هذي الناحيه
راح تاخذون عوامل البيئة بس اخذناه مع د.سوزان عبد المنعم بس خلاص راحت مصر ما ادري مين راح يدرسكم
عموما هو سهل اذا فهمتيه تحسين ان الكلام دش بس انتي لازم تسوين لك ملخص عند كل صفحة الملخص عبارة عن ربط العلا قات مع بعضها البعض اذا اخذتي الكورس راح تعرفين قصدي العلاقة طردي او عكسي واسئلتها مقالي وموضوعي كانت >>>> ما راح تدرسكم:no2:
بعد شنو:mh19: وراثه ايه خنذناه الفصل الدراسي الأول ودرستنا ا.د. فاطمة ممدوح هذي الدكتورة عسل بس اذا صرتوا معاها عدل يعني المنهج حقها ملزمة تاخذونها من السنوات اللي قبلكم حتى لو حط القسم كتاب من الحين دوريلك ملزمة عشان تكونين معاها اول بأول واكتبي اللي تقوله وهذي الدكتورة حبوبة بقدر ما تتصورين ما تحب اللي سولف في المحاضرة واذا حطتك في بالها الله يعينك يعني ما تنسى اي شي سويتيه وزعجها واسئلتها مقاليه
راح تاخذون Eو عربي واعتقد نظم الحضارة الأسلامية وهذي المواد كل سنه لها دكتور مختلف
باقي مادة من علم حيوان اتوقع انها طفيليات اذا ما خاب ظني ودرستنا د. عايشة القحطاني مادة سهلة بالنسبة لي عبارة عن دورة حياة ملاحظة حطيها بين قوسين عشان تسهل عليك المادة اكتبي مع د. عايشة حتى لو فيه كتاب اكتبي افضل لك واسئلتها سهلة موضوعيه:g8:
تقبلي تحياتي ولا تسمعين كلام البنات اللي تقولك صعب او تقول الدكتورة الفلانية صعبة اسئلتها
انتي حطي املك بالله سبحانه و ضعي امامك هدف تحققينه وكل مادة قولي هذي المادة سهلة والله راح تسهل عليك لانك اذا حطيتي في بالك ان المادة صعبة راح تصير صعبة
:praying:اسمع عنك اخبار حلوه وتجبين معدل حلو :praying:
واذا في شي ناقص او اي سؤال حابة تسألينه قوليه لا تستحين
:g20: اوه نسيت الله يبارك فيك وعقبالك ان شاء الله