اقتباس:
المشاركة الأصلية كتبت بواسطة الــغـــدراء
امير بأخلاقك ؟؟
المفروض ان اللي كتب الموضوع انا مو انت لانك قلت مكسور و معسور والوزن !!!
طيب ممكن تنزل قصيده !!!
ولكن احد الاعضاء هو اللي رفض وردني عن الموضوع و ارسل لي بعدين خذ راحتك !!
1- اللغز موصعب حتى تفتخر وتعرف حله من اول اجابه لاني ما استخدمت الرمزيه فيه وسبقك اعضاء في الالغاز السابقه وعرفو الاجابه من اول مشاركه !!!!
مافتخرت لان من الاساس ماني مقتنع او حاسب انه لغز من الاصل
فهمت؟؟؟
العذر من اللي ردني عنك قبل امس
واليوم شفت الرسالة وزان ميزانها
---------
ما اغيب عن ما قفي لو يثور القبس
خلك في نفسك وخل الناس في شانها
-------
الثقه موجوده و مغروسه عندي غرس
يوم البيوت ما تبنى بغير سيسانها
-------
يا ساتر الحال يوم ان الطريق انعكس
على اللي ما يعرف الغالية واثمانها
--------
فنجال من دلتي يجلي عنك العمس
مير انت ما تعرف طعم زعفرانها
-------
يامير بأخلاقك ما صحاك صوت الجرس
السالفه بينه وامير عنوانها
-------
اعد مع اللي عدا وإلا اجلس مع من جلس
ما تطفي النار دام اتشوف دخانها
-------
خابرك مانت بذكي وخابرك صيدت فلس
والباخره يا صاحبي منهو ربانها
-------
امطوعين الذلول وعاسفين الفرس
والبنت لين مات ابوها زعلو عمانها
-------
النار يا مير لا تقربها وتلمسها لمس
وابيوتنا لا تجي عند بيبانها
-------
ما الف ولا ادور ولا اجي في طريق الدنس
يوم اكثر الناس زعلت عليها اخوانها
|
اول شي ابداء بالسلام على الجميع
مع ان لي تحفظات على القصيدة الي فوق بوزنها وقافيتها وماعنيها
لكن ابرد عليها بكذا بيت مع اني ماعتبر نفسي شاعر
لكن لي محاولات بسيطة
يالله تهدي من رده عننا قبل امس
ولاكان.. شفنا بيوت(ن) هزيلة باوزانها
ياهوه هود مابه فتيل(ن) ومابه قبس
ماهمتن جعجعه ولا يزملني دندانها
الا تعال ابسئلك وش حللهم اخذة الخُمس
شلي حلله للشمطاء وعاثوبه بزرانها
العجوز الي تضرب الصدر بالخمس
موال ونويح وباذني اسمع طقة طيرانها
طاخ وطيخ ودم ولم والحكي رمس
والبنيه ضاع اخوها في ذرا جيرانها
لوثة فكر مدري لوثه زمن دنس
ناس تقتات الفتات وناس نتاجر باحزانها
وناس ٍ تفرس وناس ماهي كفو للفرس
وتساوت هروش العرب مع حشوانها
****
ساعه ساعه بالسرعه موترهم جمس
صبحونا بدري قهوتنا ماشفينا فنجانها
يالغدراء اصل الخمسه عشرة نقصوها خمس
ركز معي قبل تغرق في شعبانها
ليتهم رقدوا وقضوا ليلهم ضحكه وهمس
وسلمت خيام القصيد ولا تمس اطنابها
***
المسئلة كلمة ولاني بناعتك بطير الفلس
عيبٍ علي اسب العرب واطعن في سيسانها
لاهين شخص غيري.. ولامدحك يانفس
اوزن واميز الكلمة واعرف قيفانها
***
ياديوان العرب تلخبط الخمس بالسدس
أأأأأأبك القصيدة ضاعت وتلولحت ذرعانها
جاوبن بيت القصيد وردد الدرس
ياااهيه :ماعاد ميزنا شيبانها من جذعانها
-----------------