وهاذي القصيده اهداء لكل شمري
هذه القبيله العريقه شهادتي فيها مجروووووحه ولن يوفيها حقها اي كلام نقدر نقووووله
لعل الوسم يمطر علـى ديـرة الوافيـن ****واشوف البروق تلوح والقاع ممطـوره
ديارٍِ غلاها له بوسط الضلـوع سنيـن****ينادي وعشب فياضها فاحـت زهـوره
وانا جيت اجدد حب راكان بـن حثليـن****لاهل سربةٍ بالخيل والطيـب مشهـوره
سرى يطوي فجوج الخلا والعرب ممسين****يسوقه غلا شمر وتقديـر اخـو نـوره
عسى الله يلوم اللي يلومه ليـوم الديـن****ما دام القلوب بحب الابطـال مفطـوره
قرينا تواريـخ العـرب والعلـوم تبيـن****وكم بارقٍ ليل الدجى مـا حجـب نـوره
على العز يسري والحقايق تسر العيـن****مثل لمعة سيـوفٍ بالامجـاد مشهـوره
من فعولها ذكر الطنايـا يهـز الصيـن****ونهار الشدايد لا اعتزوا زعزعوا سوره
سلامي عليهم في العسر واليسر والليـن****اقوله وانا روحي على الوصل مسـروره