عسى ما زعلتك البارح وزدت الجراح جراح عسى ما مرت الدمعه على هدابك من اسبابي
جرحتك من كثر شوقي وخليت الكلام رماح
ولادري شلون يا عمري طعنتك حيل بعتابــــــي
بدون شعور صدقني ترى كثر الغلا ذبــــاح
تعال وشوف بغيابك غلاك شلون ســــــــــوا بي
حرام تغيب من عمري وتعطيني الفراق وشاح
حرام الدمع في عيني مناديله هـــــي أهدابـــــي
غيابك يشغل عيون الزوايا وأمتلي أشبـــــاح
وانا انثر صوتك بقلب المكان واشعل ابوابـــــي تلفت للأمل دام الرجا في عمري الملــــواح
اناديلك ولو شرهة وصولك تقطع أعصــــابي
أبيك الجاي من عمري انا ما بيك شي وراح
مدامك اجمل واخر مدامك اول احبــــــــابي ابي ارتاح ياعمري انا ادري هم تبي ترتاح
تعال وقبل ما افرح ترى تفرح بك ثيــــــــــــابي
احبك يا بعد عمر الحزن والجرح والافراح
احبك كثر ما نامت عيونك داخـــــــل اهدابـــــي