[read]
ياعشيري ترى لولا العيون النظايـر=كان جيتك على الوجنا الوحيده وحدها
والله اني على الهزعه غليل الضماير=لو ذلولي من المطراش وان جهدهـا
مشته جيتك لو كان بيعـي خسايـر=من حسب فايت الدنيا يبـذه عددهـا
مل قلب من الفرقا يسوقـه سعايـر=مثل ما ساق وسط النارحامي وقدهـا
ياوجودي على هرجه خفي السرايـر=وجد خطو العجوزاللي توفـى ولدهـا
كل ما حل له طـاري تهـل العبايـر=وكل ما قيل يا مرحوم تصفـق بيدهـا
شبه خلي تقود الصيد لا صار ذايـر=عين شيهانة خرسـا ليالـي هددهـا
دانة ما احرزوها ما لكيـن التجايـر=عايزة جنس عدم وصفها في بلدهـا
[/read]