|
بخصوص برنامج حافز | اشاعة استرجاع مبلغ 50% من رواتب العاطلين بعد الوظيفة |
السلام عليكم ورحمة الله وبركاته
اسعد الله اوقاتكم 
اليوم شاهدت بالصدفة برنامج القرار اللي بقناة الاخبارية وكان موضوع الحلقة عن برنامج حافز
وكان الضيف ابراهيم ال معيقل مدير صندوق تنمية الموارد البشرية
ونفى اشاعة انه سيتم استرجاع 50% من رواتب العاطلين بعد ان يتوظفوا وقال انه هذا الخبر هو رأي لأحد اعضاء مجلس الشورى " حسبي الله عليه "  وهو كان مجرد رأي ولا يمكن يُطبق
يعني الزبدة مابيسترجعون شيء وانا الله يجزاني خير شفت موضوع من كم يوم عن هالخبر واستئت كما استئتوا كلكم فـ حبيت انفي الإشاعة 
وبعد قال طلبة الانتساب جميعا يشملهم برنامج حافز ان استوفوا جميع الشروط 
وبخصوص الاعمار استحالة يتغير القرار من 20 الى 35 فقط
وبخصوص اللي ساكنين بالقرى وصعب يحضروا الدورات التدريبية الإجبارية يقول بنوصلهم عن طريق الانترنت انو يعني مابينجبرون على قطع المشاوير وخصوصا ربات البيوت 
وبخصوص الوظايف مابينجبر احد على القبول بالوظيفه لكن لو عُرض عليك مرة ومرتين وظايف وماقبلتها قال هنا بتكون المشكلة من عندك وماقال ايش الاجرائات اللي بتُتخذ بحقك 
مستفيدي الضمان بيكمل لهم المبلغ لين ياصل ل 2000 يعني لو تستلم 1500 من الضمان بيعطونك 500 زيادة طبعا اللي يستوفوا الشروط
وبخصوص اللي عندهم سجل تجاري وقديم ومايستخدمونه لازم يلغونه لأن حافز مرتبط مع 12 قطاع حكومي يدعمهم بالمعلومات عن كل مواطن
وقال ان الملك عبدالله مصدر قرار بخصوص المعلمات والمعلمين بالمدارس الاهلية لازم مايكون الراتب اقل من 5000 ريال << ماشفت مدرسة أهلية مطبقة !
بس هذا اللي اذكره من الحلقة ودورتها بيوتيوب عشان اختصر عليكم بس مالقيتها 
اسأل الله لي ولكم التوفيق بالفاينال اللي موقف قلوبنا مؤقتاً 
|