اللي ينوش الناس يصبـر ليـا نيـش
راس ٍ بـراس وغـارةٍ بعـد غـاره
بعض الكلام يزيد الأوضـاع تشويـش
وبعض الملام يزيد روحـك خسـاره
ياهاجسي وان حـلّ ليـل الدراويـش
أشعل على شمـس الحقـود إنكسـاره
قلّ للضفادع ... مدري قلّ للخفافيـش
كثر الصخب مـازاد ناقـص وقـاره
ماجيت أطالب للبراكـات... بخشيـش
دام المواقـف ماتسـاوي... زقــاره
ياهيه... ريّح بالـك شـوي بشويـش
اللي سواتك... في عمـاره دمـاره ؟
أول علاجك... وافهم العلـم تطنيـش
وثاني علاجك... وافهم العلـم إشـاره
وإن مانفع بك... وافهم العلم(( يا....))
عهدٍ علي لجعلـك... رمـز الحقـاره
مثلك يلاقي بالسقايـط ... عراميـش
مالك ومـال اللـي ينومـس وجـاره