ملاحظه :: هذا موضوعي في احد المنتديات


اتوقع انكم فاقدني الايام هذي

والسبب اني معسكر في احد ملتقيات طلاب الجامعه وهي جامعة الملك فيصل للتعليم عن بعد مسوي زحمه عندهم والخط فاضي


اخوكم بالله راحت عليه الدارسه ايام الصبى كلها مطامر جدران المدرسة وغيابات ومسوي رووحي زاحف

الى ماراحوا العالم واخذوا الشهادات العليا وانا رحت اندب حظي التعيس

المهم بعد ماكبرت رحت اواصل الدراسة

مابين الليليه والمدارس الخاصة الى ان اخذت الثانوية في العام

الماضي ... وكانت الثانوية هي غاية طموحي لاستفيد منها في وظيفتي

ولكن بعد ما اخذت الثانوية ... تقل حسيت بطمووح في داخلي ينبع من

جديد قلت ورى ما اكمل الجامعه انتساب وصير طالب جامعي ...

يمكن اعوض سنين الحرمان من الدراسة في الصغر .... قلت اعقلها

وتوكل .... انت فاهم ومتعلم لكنك بدون شهادة .... والعلم نور والجهل ظلام ..... قاعد احمس روحي ... ههه


المهم دخلت على موقع جامعة الملك فيصل قبل فتره وكان مفتوح التسجيل

للراغبين في الدراسة .. سجلت اسمي وشهاداتي ... وتم قبولي

قالوا ارسل شهاداتك وصورك ... وادفع الرسوووم 2500 رياال

للترم ... سويت كل شي وارسلت لهم الاوراق .... كلها عشر ايام

وتأتيني رسااله (( مبرووك تم قبولك فعليا في الجامعه في كلية الاداب ))

وتم ارسال الرقم الجامعي والرقم السري للدخول على نظام التعليم

الافتراضي ومشاهدت موادي التي ادرسها في المستوى الاول

ومحاضرات الموااد وكل ماده لاتقل عن 15 محاضره من الدكاتره ...

اخوكم بالله في هذه اللحظه حسيت اني دكتووووووور .. حتى صرت ما

اتكلم الا لغه عربية فصحى .. هههههه


المهم كنت احسب الدعوى سهالات .. لكن تفاجأت ان الوضع ماهو اللي انت تبي


ملخصات وكل ملخص مايقل عن 80 صفحه واغلبها انقليش واخوكم

ميييييييح بالانقليش ... والمصيبة ان الاختبارات على الابواب ...

وصارت علومي ماهي العلوم الاوله والحماس الاول .. حسيت اني

توهقت .. امشي واطبع من هالاسئله واجباتها الخاصه بالمواد والملخصات .. حتى اصبحت غرفتي الخاصه تقل محل ابو عادل للنسخ والتصوير

وبهذا الوضع المزري
جادت القريحه بهذه الابيات المتواضعه ...


سجلت انا بالجامعه مثل هالناس == بروي هوى نفسي وابروي طموحي

يوم اعلنوا بالجامعه صوت الجراس == تعلن بداية عام كل الصروحي

ماكنت اظن الوضع بالحيل حساس == كنت احسب ان الوضع سهل(ن) نجوحي

البلاك بورد وشغلته توجع الراس == زادت على قلب المعنا الجروحي

محاضرات وكل شئ على قياس == والوضع ماهو وضع ضحك ومزوحي

ذكر عليّه طيب الذكر محماس== بالسادسه مرتاح قانع سموحي ..





وسلامتكم


ما ادري اليوم وش جاني بسبب هالمذاكرات قلت اعطيكم قصة حياااااااااااتي



والفضفضة يقولون ترويح عن النفس ههههههههههه