ḿảḍ ќiḍṡ / لا والله ما أظن بس أعتقد الجامعة ضاغطة عليهم ... طلاب منتظمين وانتساب وبنفس الوقت بينزلون أي شيء عشان يقولون منهجنا كامل ولا أحد يصير له عليهم مدخل..!!
عيون هاليت / لا والله ماتخوف بالعكس زبطي لك كاس شاهي واقريها على رواق ولو كان عندك قاموس ناطق تسمعين فيه نطق الكلمات بيكون أروع ... المحاضرة هذي يكفيها ساعتين مركزة بتخلصينها وتفهمينها بالراحة .. ولا يهمك كثرة الورق أنا مكبر الخط شوي وفيه فراغات كثير بس عشان التنسيق يكون متماسك أكثر ... لاتشيلين هم المادة سهله
بالمناسبة بعض الأخوة قالوا لي أني مصعب المادة شوي وأني محبط الطلاب بكلامي عن دكتور المادة وأن الطلاب أصلاً محبطين ومايحتاجون أحد يحبطهم زيادة، بالعكس أنا أقف إحتراماً وتقديراً لشخص الدكتور وأشوف إمكانياته جداً عالية ولا أبخصه من حقه شيء ولكن لي ملاحظات كثيرة على طريقة عرضة للمادة فقط ... الي أقصده تحديداً أنه مناسب للمستوى الثالث وأعلى عشان يستطيعون المتابعة معه...
أحياناً أفصل شوي في الشرح والغرض كله لأجل التوضيح وإزالة الغموض وعلشان تدخل الإختبار واثق من نفسك... أنا أعطيكم إياها وأضمن لكم بعد الله الي بيذاكر الملخص وبيحل التمارين بنفسه ويفهمها بينجح بحول الله وقوته ... والمنهج مو صعب بقدر مايحتاج طريقة عرض مناسبة وتتوافق مع إمكانيات الطلاب ... لاتصعبون المنهج ولا تخافون من الدكتور ولا أحد يخترع له بعبع يصحيه من النوم
ولا تخوفكم كثرة الأوراق ... هي كلها كم ورقة بس ذاكرها زين وفتح مخك صح وبحول الله وقوته راح تنجح وتجيب معدل بعد وأذكركم بعدين ..... والوعد يوم النتائج
عموماً
المحاضرة الثانية عشر المفترض تكون خالصة الليلة ولكن للأسف النوم زعلان مني اليوم ولازم أراضيه ... اليوم مانمت زين وفعلاً حسيته ماخذ على خاطره عاد انتم خابرين خميس ولا واشغلوني الله لايشغلنا إلا بطاعته ... بس ماعليكم أنا بس أرضي النوم وان شاءالله أزبط لكم الثانية عشر بكرة ...
أعتذر لكم أنا عارف مصختها وزودتها حبتين بس تحملوني هالمحاضرتين وبس ...
ومازال معنا وقت قدامنا تقريباً أسبوع يمدينا نأدب الأنجليزي تأديب ... كل واحد يجهز له خيزرانه علشان ياخذ حقه منه
أستميحكم عذرا هذه الليلة ....
تحياتي للجميع