كلمه ابي اتزوج لاهو بعيب ولاهو بحرام عطوني دليل من القران او السنه تحرم المرأه من قول هالكلمه لكن تجيبون لي عادات وتقاليد مااعترف فيهم فقد خلقنا في زمن غير زمن اجدادنا
واللي تقول انو تفضل الزواج التقليدي لاتشوفينه ولايشوفتس يعني الرؤيه باليله الدخله بقول لتس شغله ديينا امر بالرويه الشرعيه ليه وش الحكمه لان في حالات غش تصير بالعروس مثل يقولون للبنت الرجال طيب وماعليه وتكتشف بعده انوه عكس كل اللي قالو عنه ومثله للرجل يمدحون البنت عنده انو فلانه مزيوونه وفجئه يكتشف نسخه طبق الاصل من اخوها يعني هالبنت ماتقدر تطلق منه والرجال مايقدر يطلقها لانو المجتمع مايرحمها
فالرويه الشرعيه مطلوبه لتجنب مثل هالحالات لكن بين الاهل وكلن عارف وفاهمين بعض او شافو بعض بصدفه فالحاله مو شرط يطبقون الرويه الشرعيه لكن للاسف بعض الناس يستخدمون الرويه الشرعيه بصوره مخالفه يعني الخاطب يبي الصغيره ويشوفها لكن ليله الدخله يكتشف انهم زوجوها الكبيره يعني الغش في الحالتين وارد
واللي حطت حديث عن الرسول عليه الصلاه والسلام انوه الفتاه التي لي يسبق لها الزواج استشارتها بسكوت يعني ان سكتتت معناه الرضي طبيعي الفتاه التي لم يسبق لها الزواج الحياه غالب عليها لكن المرأه التي سبق لها الزواج شلون يعرفون طبعا بتصريح هي بتقول اي ولا لا يعني ماتسكت يعني برايتس هالمره ماتستحي الواقع يقول تستحي بس لازم تفرض رايها خاصتن المطلقات تقول رايها ع الاقل تستفيد من تجربتها
الحيا مطلووب ياحلو المراه والرجل يستحون قسم يهبلون لكن الحياه في طاري الزواج غير مطلوب لانو هذي حياه موب لعبه
بس يختي البنات وعيال هالوقت فاصخين الحيا البنت تطلع مع خويها ويمكن يتزوجون واهلهم مايدرون زمن عجييب
حتي البزر يقول لامها يمه متي اتزوج
واللي تقول انو البنت اذا قالت لاهلها تبي تعرس ع طول يفكرون تعرف واحد هذا يرجع لتربيتهم لها اذا عرفو يربون عدل تفكيرهم يروح لمصلحتها لكن اذا تربيتهم مش ولابد هينا صح يروحون انو تعرف واحد طيب فرضنا تعرف واحد مو الافضل انوه تقول لاهلها ولا تهرب معه ؟؟
بنهايه الزواج قسمه ونصيب سوا طلبت البنت ولا ماطلبت بنهايه هذي حياتهم
ويعطيتس العافيه ع هيك موضوع
