السلام عليكم ورحمة الله وبركآته
كل عآم وانتم بخير جميعاً ..
وسنة جديدة مباركة ع الجميع ..
مثل ماتعرفون الاختبارات قربت
والكثير منا الى الان ماذاكر وماعرف يوصل للملازم والملخصات الموجودة في المنتدى
بالنسبة لي انا مليييييييت من كثر ماادور على مواضيع الاخ هتــاان وغيره من الاخوان المجتهدين والذين يعملون على تذليل الصعاب على اخوانهم الطلبه او الاخوات المجتهدات في المنتدى مثل شموع والمسافرة وغيرهم ..
ومثل ماتعرفون كل يوم واحد من الاخوان ينزل موضوع لمحتوى مادة ويقوم بتنسيقه بطريقته
طبعت ملازم المعتقل
طبعت ملازم من الاخ هتان
طبعت اسئلة العام الماضي
واللي طبعته للحين اكثر من 600 صفحة
حسيت نفسي تايه
من وين اذاكر
وين الملازم اللي اقدر استفيد منها من غير الرجوع للمحتوى والمحاضرات المسجلة
بصراحة كل مااشوف الورق اللي طبعته تنسد نفسي
لأنه مستحييييييييل اقدر اذاكر هذا كله
اللي نبيه من الاخ هتان ومن المشرفين
يحطون لنا موضوع مثبت يحتوي على ملخصات جميع مواد المستوى الاول
انا ادري هذي مو مسؤوليتهم وكل واحد مسؤول عن نفسه
بس اللي نعرفه ان الاخوان اجتهدوا وعملوا ملخصات وقاموا بتنسيق محتويات المواد الدراسية وطرحوها في المنتدى
وجزاهم الله عنا كل خير
طبعا اخوانكم وانا واحد منهم مشغولين في أعمالنا الخاصة والدراسة وغيرها
وانا واحد ماعندي وقت اشوف محتوى كل مادة
زين اذا لقيت وقت ادخل فيه المنتدى واشوف الملخصات والملازم واطبعها
وانا متأكد ان اغلب الطلاب والطالبات يعانون من نفس مشكلتي
اكيد مرتبطين بـ أعمالهم ودواماتهم وينتظرون المساعدة من الطلبه المجتهدين
لذلك اتمنى من المشرفين يفتحون موضوع مثبت يحتوي على جميع الملخصات والمحتويات للمواد الدراسة بطريقة ميسرة وسلسله ويساعدونا باللي يقدرون عليه من خلال هالموضوع
واتمنى يكون الموضوع مغلق عشان نقدر نركز
وكمان عندي استفسار بسيط
مثل ماتعرفون اول اختبار عندنا في مادة العقيدة الاسلامية
السؤال : هل اذاكر الادلة والا مو مطلوبه .
وتحياتي للجميع