ملتقى طلاب وطالبات جامعة الملك فيصل,جامعة الدمام - عرض مشاركة واحدة

ودي والهوى ضدي · #1 2009- 9- 7

السلام عليكم ورحمة الله وبركاته ..

أخي الفاضل ارجو منك تفسير حلمي ..

الحلم كان في الساعه 4 فجرا ..

كأني كنت في سوريا موجوده في احد مجالس الحسين .. وكأني كان بيدي كيس وكنت امر على الحريم في المجلس واجمع منهم الصدقات ..
وكانت الحريم تعطيني فاكهه بدل الفلوس على انها صدقة ..
آخر وحده مريت عليها ما كنت اعرفها بس كانت عليها علامه السجود .. المهم اعطتني صحن فيه فاكهه كثير وقالت لي هذا عطيه للشيخ مو للصدقة ..
واعطتني مع الفاكهه 3 او 4 ايسكريمات .. وقلت لها طيب ممكن آخذ منهم واحد لي ؟ وسمحت لي واعطتني معه خياره أو موزة ماني ذاكره بالضبط ..
انا طلعت برا وجلست آكلها .. شوي الا تجي وحده وتقول لي اللي عنده امانه للشيخ يعطيني اوصلها له لأن طيارته بترجع البلد بعد شوي ..
وبسرعه قمت واعطيتها الصحن اللي فيه الفاكهه ورجعت مكاني وكأني كنت متحجبه بس وحاطه زينه بوجهي
وكان قدامي فيه درج نزل منه شيخ وكان معصب ويناظرني بغضب
وراح للمرأه اللي اعطتني له الفاكةة وقال لها قولي لها تغطي وجهها لا تسوي فتنه ..
وانا في داخلي تضايقت لأني ما كنت ادري ان المكان فيه رجال ..
بعد ما خلص العزا رحت جلست بجانب امي وكانت جنبها قريبتي في الحقيقة ..
جات لنا مره انا ما اعرفها وجلست جنبنا وسألت قريبتي عني ... وقالت لها انا ابي اخطبها .. انا قلت للمره على طول اذا كنتي بتخطبيني تفكريني من اخواتها فأنا مو من اخواتها .. قالت لا ما يهمني ..

بعدها قمت ورحت للمره اللي عليها علامة السجود وقلت لها اللي صار .. قالت لي ما عليك خطيبك عندي مو عندها ..

وصحيت من النوم ..

طبعا انا مو متزوجه ..

وقبلها بيوم كنت حلمانه اني رايحه حفله وشفت وحده تصير طليقة اخوي ..
وكنت خايفه منها انها تلومني او تعاتبني على طلاقها .. بس جات وحظنتني وقالت لي تعالي بكلمك في موضوع ..
ورحنا على جنب وجلست تتكلم على طلاقها وانا احاول اطيب خاطرها شوي الا تشب حريقة بالمكان واحنا خفنا وطلعنا بسرعه ..
وركبنا سياره بس انا وامي وكان عندي مانجو وادور على البيوت اوزعها ..

اذا ممكن القى له تفسير ..

أكون شاكره ..