|
رد: هنـــــا مراجعـــة لمادة المقـــــــال..حيـــاكم
اقتباس:
المشاركة الأصلية كتبت بواسطة البريئة2
شرح المحاضرات الاولى
المحاضرة الاولى
تعريف المقال انه مجموعة فقرات وهذا حتى المقال بالعربي بس هم يبون يصعبون علينا الدنيا المهم
اول فقرة طبعا ايش بتكون اكيد مقدمة مو ختام واخر فقرة ختام مو مقدمة ما يبي لها ذكاء وانا مادري ليش قاعدين يقولون لي كذا يعني المقدمة وين بتنحط بالله ؟<<< عصبت
لا خلاص
بس المهم انكم تعرفون ان المقدمة تتضمن اشارات وكلمات تعبر عن العناوين الرئيسية للقطعة وهذا اللي يسمونه الثيسزستيمنت و -يكون في اخر جملة منها - وبتعرفون عدد العناوين الرئيسية من خلالها - وقد تشير الى طريقة تنظيم المقال طبعا المقدمة لازم تكون تجذب القارئ - مو تشرده من اولها قص عليه بكم كلمة عشان يحسب ان مقالك مهم ويكمل قرائه - >> امزح بس لازم تكون مقدمتك جاذبة وهذا معروف حتى في الالقاء ورسبشن الاماكن و المؤسسات
تكون جاذبة عشان يؤخذ انطباع جيد
والشي الثاني قلنا الموضوع الواحد بتتفرع عنه عناوين رئيسية
كل فقرة بتتكلم عن فكرة رئيسية من الموضوع او مثل ما نقول عنوان رئيسي هم يسمونه سبتوبك - مو تخلط فقرات الموضوع وتحوس الدنيا  -
- اربط الموضوع ببعضه باستخدام الروابط مثل برغم - لكن - الخ الخ - مو تكتبين كانك صف اول ابتدائي جملة تسكتين بعدين جملة .gif "(177)") -
المقال يتميز بالوحدة والتماسك وهذا تعبير عن اللي قلنا فوق ولازم تتحرك بين الجمل بسلاسة مو تقفز لي فجاة من جملة الى اخرى
الوحدة يعني تتكلم عن موضوع واحد في مقال وتكون مركز مو تجيب لي عشرين موضوع مختلف
التماسك يعني تربطهم بروابط مو تخلي كل واحد طاير في جهة - (ارجع للشريحة الثامنة من المحاضرة الاولى فيها كل رابط و استخدامه - وتستخدم تقنية معينة انك تكرر الكلمات اللي تخص الموضوع (الكلمات المفتاحية) بحيث ان يكفي نسوي مسح ونشوف هذي المفردات تتكرر في الفقرات فنعرف الموضوع يتكلم عن ايش -
الحين هذي القواعد كلها تنطبق بشكل مصغر على كل فقرة من فقرات المقال :
يعني الفقرة لازم يكون لها موضوع رئيس وثيسمنت وحدة وتماسك
نجي اول للمقدمة :
فيه منه موديلات كثيرة ممكن تجذب القارئ منها :
1- مقدمة على شكل قمع : يبدا بالموضوع بشكل عام بعدين يبدا يخصص شوي شوي لما يوصل للفكرة اللي يبي يتكلم عليها بشكل مركز ويمشي معاها بعدين - اول جملة او جملتين يكون عام الجملة اللي بعدها اخص وهكذا
مثل الكمرة تبدا بصورة واسعة بعدين تسوي شوي شوي زوم عشان الجذب نفس الحركة هنا
2 - مقدمة درامية : تثير الاهتمام وغالبا هذا يكون من خلال وصفك لمشهد معين مرتبط بالموضوع طبعا
3- ممكن تشد القارئ بان تبدا باحصائية او حقائق علمية
4- ممكن بخلفيات تاريخية
هذي المحاضرة الاولى
طبعا فيها تمارين وكم قطعة تطبيق
كانكم ندمتو اني شرحته.gif "(269)") ؟ |
البريئة كل سمستر القاك معي ؟؟ وش السالفة وش هالحظ ياربي 
شكلي بغير تخصصي بسبتك <<  اشوف اختباراتي بهالصعوبه
اي عز الله ندمت انك شرحتي
تسولفين سوالف انتي ؟ اشرحي شرح عدل ولا ترى .... 
الجلد لسى ماجاء الجلد باختبار الترجمة والرواية .. جايينكم ياربع فلونه ( روبنسون كروزو)
مشكورة ختاما على توضيحك لزبدة الاولى بالعامي .
|