|
رد: عظَمة عقلك تخلق لك الحساد .. وعظَمة قلبك تخلق لك الأصدقاء
الصداقة نحترمها و (الصـدق) درب النجـاه
والأخـوّه ماتـوقّـف بالمـدايـن والـفـلا
وان هموم الوقت جارت ماعن الشكوى غناه
اشتكـي لله وحــده ماتشـكـوى للـمـلا
السهر داهم عيوني والقمـر ناسـي سمـاه
يرتقب نـوره يضـوّي ليـن ليلـه انجـلا
السهر ان مالفاني قالت : عيوني .. وراه ؟!
وان لفاني قمـت اهلّـي يامراحـب ياهـلا
اكتم جروحي بروحي / تطلع البسمـه بـآه
واطرق بحوري والالي ( يالاْلاَلي .. يـالاْلا)
كم جـرحٍ للخلايـق جـوف قلبـي احتـواه
والخفوق اللي حويته فـي مشاريعـه سـلا
اجعل الطيبة شعارك واللي يزعل من خـلاه
يرتضي من كيس جيبـه ولاّ جعلـه للخـلا
ومن تركله بالمواقف له رصيدٍ فـي غـلاه
انشده واعرف جوابـه / لاتنقـص بالغـلا
ولاتجادل شخص (احمق) تنحسب في مستواه
تلقى نفسك شخص هابط واللي هابط اعتـلا
/
/
/
يااللي تسأل ويش جايب هم شـاب فمبتـداه
الهموم والبعد ضدّه كنّهـم (صـف اعمّـلا)
لكن انْ بأسه شديد وماطلـب غيـر الإلـه
وأفضل عبارة تهوّن إن " المؤمـن مبتـلا"
من حفظها واحتسبها ناجـح بعلـم الحيـاه
ومن تجاهل او رفضها في وساويسه (صلا)
|