مساء الخيرات للجميع صبايا وشبان....
كيف المذاكره معاكم واستعداداتكم للاختبارات ؟؟؟ ان شاء الله كل شئ تمام
طبعا انا وحده من الناس اللي تتوتر وتخاف ...وافقد التركيز كثير وخصوصا بعد الانقطاع والعوده للدراسه مره ثانيه
بس ماراح يكون هالشئ سبب في الفشل او الاحباط لا ان شاء الله للعزيمه والاصرار والتفاءل باسئله الاختبار انا عني ماكنت مرتبه هالترم زين من ناحيه تجميع الملخصات بدري والاطلاع على كل محاضره اول بأول بسبب عدم معرفتي للنظام وكم مده الترم الاول وكذلك نظام الدكاتره
ان شاء الله التعويض بالترم الثاني من اول يوم جد ومذاكره
كثير من المواضيع هنا كانت تدور اكثر شي عن الاداره والتحرير والصحه والنحر تقريبا هم المواد اللي احسها دسمه وتفرعاتها كثيره وهنا يتفاوت مستوى طالب/ـــــه عن الاخر/ى من ناحيه الاستيعاب والتركيز وكثير يتنابه الخوف من مواضيع بعض الاخوه او الاخوات اللي يقول مااذاكر واللي يقول الماده صعبه واللي يسأل عن نسبه النجاح في الماده وهذا الشي بحد ذاته يوترني ويربك المنتدى انا اقول للجميع ولنفسي اولا خلاص مابقى شي الكل يركز على محتوى الدكتور فقط ولاباس بالاطلاع على الاسئله السابقه وعدم الاعتماد عليها مجرد اختبار لنفسك ومدى استيعابك للماده عشان ماتتشتتون...
زبده موضوعي اليوم بدل ماادخل عالمستوى الاول رحت للارشيف ابشوف وش من مواضيع واصحاب المستويات الاخرى وش انطباعهم عن كل ماده طبعا قرات بعض المواضيع الى الصفحه االسادسه ولاحظت انه جدولهم الظاهر زي جدولنا اول الصفحات كانت تقنيه واللي بعدهم عن المهارات والصحه وبعده التحرير والاداره يعني بالتصاعدي ///
توصلت الى ان ماده التقنيه كان سهل اختبارهم والدكتور كان منزل لهم اسئله يذاكرون منها وكانت هناك كلمات شكر له وفيه عضو اسمه /من والى / تقريبا كان ينزل مواضيع فيها اسئله مكتوب عليها vip وكاتب مهم جدا جدا جدا جدا للامانه مافتحتها
طبعا انطباعهم عن الاداره تفاوت مابين الصعب والسهل والمتوسط بس اكثر الطلاب والطالبات اجمع على ان الدكتور كان حاط اسئله والاجابات متقاربه يعني يبي يلخبطنا شوي فمن باب محبه للجميع ركزوا زين بالمذاكره يعني التعاريف مهمه مو بس قراءه
التحرير يقولوا كان سهل واسئله الدكتور واضحه مافيها تعقيد
طبعا كان فيه موضوع عن الدكتور غسان الظاهر كان يديهم انقلش اتوقع كانت اسئلته مو حلوه وكانوا حاطين رسايل اعتذار الظاهر شتموا في الدكتور لعدم تمكنهم من الاختبار