السلام عليكم ورحمة الله وبركاته
نبدأ في الموضوع على طول
حلمي الاول :
كان في بيتنا القديم وكانو بنات عمي موجوديين عندنا يستعدون للذهاب الى عرس صديقتهم. شافتهم امي وجلست عدالي تسالني وهيه مضايقة ليش انا ما اروح عرس صديقاتي قلتلها وانا مضايقة اني ما اقدر وهم بعدهم مب متزوجات.
حلمي الثاني :
حلمت اليوم اني كنت جالسة في البيت اتجهز لحفلة خطوبتي او الملكة (بصراحة ما اذكر ) المهم اني بعدها سرت القاعة وكان في القاعة red carpet والناس متجمعين حولها (كانه في هوليووود)يتريووني امشي عليها.انا لما وصلت القاعة سرت بعيد عن الناس وانا اقول في خاطري اني مابا اتزوج. بعد شوي مشت على ال red carpt وحدة متينة وعيون الناس عليها .جا دوري وانا كنت متاخرة فقالولي البنات اللي كانو عدالي انتي تاخرتي وايد وبعدين سرت ومشيت على السجادة الحمرة وعيون الناس علي (للعلم انا كنت متجهزة وكاشخة بس كنت امشي وانا حافيه )وصلت عند خالة ابوي وهيه لبستني ( اظن انهم كانو ست قطع) من المجوهرات ( بصراحه ما اذكر اذا كانو ذهب او لا ) بس من بينهم خاتمين. خلصت الحفلة ورجعت البيت جات امي وشافت القطع وما عيبها شي غير قطعة وحدة . و خلص الحلم
ارجو التفسير