السلام عليكم ورحمة الله
اول شي انا طالبة بجامعة الملك عبد العزيز بجدة وحابة تفيدوني لو سمحتو
انا دارسة سنة تحضيرية , يعني التخصصات تتحدد بعد اكمال هذي السنة
اليوم بس طلعت لنا التخصصات .. وانقبلت بكلية العلوم الطبية التطبيقية ( قسم تمريض )
وانا حابة انقل لجامعة الملك فيصل بالدمام لكوني من الشرقية
اقدر اقدم اوراقي بداية السمستر الأول وانقل مع بداية السمستر الثاني ؟ لقسم غير التمريض
مثل علاج طبيعي او رعاية تنفسية ؟
او خلاص مااقدر انقل دام طلع لي تخصص مو موجود بجامعة الملك فيصل ؟
او أنه قبل ماانقل لازم أحوّل في جامعة الملك عبد العزيز لتخصص موجود عند الجامعتين .. وادرس سمستر وبعدها انقل للدمام ؟ >>>> اتمنى فهمتوني
واذا النقل ممكن وش الإجراءات المطلوبة ومتى بالضبط ؟
((( قسم التمريض بكلية العلوم الطبية التطبيقية مو الصحية .. يعني ابي انقل ع نفس الكلية )))
اتمنى تساعدوني لأني تعبت من الغربة :praying: :011:
وللجميع خـــالص الشكر
واعتذر عن الإطالــة