المشاركة الأصلية كتبت بواسطة سيدة الأسئلهـ

.


المتوسط المتحرك ... نستخدمه عشان نحدد سعر المخزون

يعني مثلاً .. دخّلنا كمية جديدة في المخزون

وأصلاً كان فيه كمية ثانية موجودة قبل


طيب إذا جات كمية جديدة أي سعر نختار ؟

نأخذ المتوسط من السعرين


يعني ... المتوسط المتحرك =

( قيمة الكمية الحالية + قيمة الكمية الواردة )

/ ( رصيد الكمية الحالية + رصيد الكمية الواردة )

--------------------------

بشرح على مثال عشان يكون أوضح ..

سؤال 3 من اختبر نفسك..


تم صرف 210 وحدة من المواد في تاريخ 6 / 1

طيب بأي مبلغ نسعّرها؟

نشوف الكميات اللي كانت موجودة قبل تاريخ 6 / 1

عندنا في 1/1 .. 150 وحدة بسعر 12 ريال للوحدة

وبتاريخ 2 / 1 عندنا 100 وحدة بسعر 13 ريال للوحدة

وبتاريخ 4 / 1 عندنا 130 وحدة بسعر 16 ريال للوحدة

الحين نطبق القانون ..


المتوسط المتحرك = قيمة الكمية الحالية + قيمة الكمية الواردة ( الجديدة )

/ رصيد الكمية الحالية + رصيد الكمية الواردة


يعني نأخذ قيمة الكمية الأولى + قيمة الكمية الثانية

ونقسم عليه رصيد الكمية الأولى + رصيد الكمية الثانية

يعني ( 150 * 12 + 100 * 15 ) / ( 150 + 100 ) = 3300 / 250 = 13.2


باقي كمية في تاريخ 4 / 1


نفس الشي نطبق عليها القانون .. نأخذ الكمية والرصيد اللي طلعناهم ( 3300 / 250 )

ونعتبرهم قيمة ورصيد الكمية القديمة

ونضيف لهم قيمة ورصيد الكمية الجديدة في تاريخ 4 / 1

يعني = ( 3300 + ( 130 * 12 ) / ( 250 + 130 )

= 4990 / 380 = 13.131

طلعنا السعر الجديد ... معناتها أي كمية واردة جديدة نسعّرها بسعر ( 13.131 ) ريال

عندنا كمية جديدة مصروفة في 6 / 1 تبلغ ( 210 ) وحدة

نضربها في السعر الجديد ( 13.131 ) * 210 = 2757.6 تقريباً = 2758 ريال

----------------------------------


قاعدة أشرح وأنا نفسي مو فاهمة هالنقطة زين > <


أي أحد فاهمها زين ياليت يتكرم لنا بالشرح .. ماني واثقة إذا طريقتي صح أو لأ



.