|
أهم ما جاء فالمحاضرة المباشرةالثالثة لعمارالمعاني
السلام عليكم
البارح حملت المحاضرات المباشرة من البلاك بورد وللأسف ما إشتغل الصوت عندي إلا في مادة الإنجليزي
لذلك حبيت أنقل لكم أهم ما جاء فيها وياليت الي سمع شي من المحاضرات الباقية يذكر لنا أهم ما جاء فيها
بالنسبة للإنقلش
أول شي كان الدكتور زعلان من كثر الطلاب الي يبون ملخصات وضح أنه ليس هناك اي دسكاونت في
المنهج وقال كلام كثير عن شعوره حيال ذلك والمساومة على المادة التعليمية
وأنه قد بذل أقصى ما يستطيع في شرح المادة وهذا الي عليه وكما أخلص في شرح المادة يجب أن تخلصوا في مذاكرتها
ومو ذنبه إن في حد ما ذاكر للآن وإن تحضير الدرس الواحد كان ياخذمنه ما يقارب ثلاث ساعات
لذلك ذاكروا كل الي شرحه...بعدين فتح المايك بعد ما أكد إنه مايبغى يسمع أي طلبات للتخفيض ويبغى جميع الأسئلة تكون موضوعية
ما ذكره عن الإختبار
الإختبار موضوعي خيارات ماراح تكتبون شي ..كل سؤال عليه درجة
في قطعتين واحدة من الكتاب وواحدة من خارج الكتاب
القسم الأكبر من الإختبار سيكون قرامر
بالنسبة للكلمات الي ماعنده وقت يحفظها كلها يركز على تدريبات الكلمات
سألوه بعض البنات عن أشياء ما أدري عنها
قال ما أبغاكم تتوسعون في هذي الأشياء خصوصا إن الوقت ضيق وأكد التركيز على الشرايح وقال في باقي محاضرة ما أدري متى لكل.قسم على حدة لكن.أتوقع.إنها مستويات ثانيه
هذا والله ولي التوفيق
|