|
رد: اللي يبي يبداء مذاكرة ( التلاوة والتجويد ) يدخل ومعه ورقة وقلم
بفيدج في السؤال الأول !؟ 
أول شي لازم تعرفين أن القصـر زي المد الطبيعي يعني يُمـد بمقدار حركتين عشـان كـذا يقولج من غير زيادة يقصد إذا جيتي بتقصرين لاتزيدين عن المد الطبيعي اللي هو حركتين !؟ مـايجوز أنج تقصرين بمقدر أقل من المد الطبيعي اللي هو حركتين على أبو أنه قصر والسـلام !؟ لأنج راح تسـاوين بين المـد والفتحـة بيصير الأمر سيـان ولاعاد بتفرقين بينهم !؟
طيب أحنـا يوم جينـا نعرف المد آيش قلنـا إطالة الصوت بحرف المد اللي هو واحد من هاالثلاثة "أ، و ، ي " أو إطالة حرف اللين اللي هو واحد من هاالأثنين "واي أو الياء" الساكنتين المفتوح مـاقبلهمـا مـــــــتى نمدهم إذا تلاقينـا مع همزة أو سكون يعني إذا جـاء بعدهم همزة أو سكون !؟
هنـا نقوم نمد !؟
آوكيـه فهمتيـه هذا !؟ حلـــــو
القصـر عكسـه !؟
إذا مـاشفتـي بعد حروف المد أو حرف اللين همزة ولا سكون ثبتيهم هجديهم يعني قصري ليش تطوليييين وهو مـافي سبب اللي هم الهمزة والسكون < هذيلوا هم اللي يخلونـا نمـد !؟
طيب نجي نطبق على مثال
قـاصرات
عندج حرفين مد صــــــــح !؟ اللي همـا الألف الأولى والثانيـة !؟
الأولى راح نقصرهـا مـاراح نمدهـا لييييش ! لأنه اللي بعدهـا موب همزة ولا سكون وإنمـا كسر شوفي قـاصِـرات !؟
طيب نجي للألف الثانيـة عـاد أهنـا الغمنده < شكو
شوفي إذا كنتي تقرين الآية " وعندهم قاصرات < وأنقطع نفسـج عندهـا راح تمدينهـا أكثر من حركتين ليش لأنج يوم أنقطع نفسج وأضطريتي توقفين عليهـا صارت الـتـاء ساكنـة جربي وقفي عليهـا قـاصرات !؟ وأساسـاً أحنـا مـانقف إلا على ســـاكن !؟ يعني حتى لو كـان هو حرف متحرك كسرة أو ضمة أو فتحـة بس مـادامج وقفتي عليـه يصير سـاكن !؟
خـلاص عرفتتي ليش نبي نمد أكثر من حركتين بأعتبار أن أحنـا وقفنـا على سـاكن اللي هي التاء يعني جـاء بعد حرف المد اللي هو الألف سكون إذن نمـد !؟
أمـا في حـالة لو أنج بتكملين الآية
"وعندهم قاصراتِ الطرف عين "
هنـا تقصرين مـاتمدين ليييييش لأنج وصلتيهـا بااللي بعدهـا والتاء مكسورة والوضع طبيعي وعادي مـاوقفتي عليهـا على شان نقول سكون ولا جـاء بعدهـا همزة !؟
لذلك نقصرهـا لأننـا لم نلتقي بأحد أسباب المد اللي همـا الهمزة أو السكون !؟
وأنتبهي تقصرينهـا بمقدار حركتين موب أقل عشـان لاتتسـاوى مع الفتحـة !؟
أمـا السؤال الثاني موب عندي في المحـاضرة شسالفـة هاجس 
|