يـامــا نـقـلـتـي مــــن ســلالــه وســلّــه...
صـنـع الفـرنـجـي والـعـيـال المـداغـيـش
تـغـذْيـن مـــع شــــولٍ تـبـاريــن جــلّــه...
ليـا جـا مـن الـضـدّ المـجـاور ختـاريـش
لاصــاح صـيّـاح الضّـحـى وفـزعـن لّــه...
جــرد السـبـايـا مـــع زراج النشـانـيـش
يــجــنّ ايـديــهــن يـطــرقــنّ الأجــلّـــه...
ضــرب الحـوافـر مـثـل دقّ المهـابـيـش
لابـايـنــن مــــع راس حــدبـــاً مـطــلّــه..
وشيف السّلف قد شرعوا به هل الجيش
ورداً مـثــل ورد الـقـطـا واقـبـلــنّ لّــــه...
وكـثـرة صـوايـح ناقـضـات العـكـاريـش
يـنـخـنّ شغـمـومـن عـلــى عـــادةٍ لّــــه...
علـيـه جـوخـه والـمـزرّج غـلـب ريــش
مـاقــطّ شـافــوا لــــه بــالاكــوان ذلّــــه...
يـنـطـح سـهــوم مخـالـفـات النـواتـيـش
وتـواجـهـوا كـــلٍّ عـلــى مـاحـصـل لّـــه...
بـيــن الـفــزع ومـدوّريــن الـمـعـاويـش
وعنـدك خبـر مـن هـاش مـن دون حـلّـه.
ماينطـحـه بالـهـوش حـمــر الطـرابـيـش
هــــذاك هــــو دورك وراعــيــك حــلّــه..
لـيـا وصـلـوا المظـهـور والا القناطـيـش
والـيــوم لـــك مـابـيـن ددســــن وفــلّــه..
ما انشدك عن راعيك ركضك على ويش