|
رد: مساعده عن عدم القدره للحضور ..!
اقتباس:
المشاركة الأصلية كتبت بواسطة هاااارب من شهار
صباااح الخير والسعاده انشالله ...
أخوي ترى بالنسبه لنظام الشركات واحد يعني لوتطلع قبل الوقت بنص ساعه لمده اربع أيام يحسب لك غياب ساعتين ويتم الخصم من راتبك وموذاك الخصم يعني الله لايحدك على مدير زي هذا ...
وبالنسبه للجامعه لاتتعب نفسك وتتصل مستحييييل يتدخلون فذا الشي ..
وأتمنى ذا الشي مايأثر عليك لانك هيك أوهيك بيخصمون عليك أما من العمل وإمامن المواداللي بتحذفها وتروح فلوسها فخليها على الشركه ويعوضك الله ...
تمنياتي للجميع بالتوفيق وتيسيرالاموربمشيئه الخالق
|
هلا فيك اخوي وجزاك الله الف خير
صحيح كلامك ولكن الشركات بشكل خاص تعتمد على مديرك
واذا تبي الصراحة هالمدير ينتظر الزله مو بساعة ينتظرها بالدقيقة مني
مدير بدأ منذ 6 سنوات وانا قبله شغلي كله 100% وكانت درجاتي كلها 100%
وهالمدير يا اخوي يبي طبال وزمار يبي واحد يقوله الله يخليك ابي زياده الخ الخ
طيب هذا اللي يقول هالكلام يمكن مقصر في عمله بس انا 100% عملي المفروض يقيمني بدون ما اكلمه بحرف
ولكن مع هذا ينتظرني اروح له واقول له الله يخليك الله يرحم والديك تعال تعشا تعال تغدا والخ الخ الخ من هالامور
وانا غني عن هذا اذا هو ما كفاه جدارتي بالعمل الله الغني عن زيادته وتقييمه لي المدراء اللي فوقه يعرفون اني مظلوم وساكتين
وانا هالاشكال هذي بيني وبينها باب العمل والاحترام فقط وغير هذا ماله عندي شئ
هو بالاساس رافض اي موظف يتغيب الا لما يروح له ويغرد عنده وبعدها يسمح له
وانا اعلم وكلي علم بهاليومين اللي راح اتغيب فيهم راح يرقص ويردح فيهم سنوات ويعتبرها انتصار له وفرصة لكي يقوم بأتخاذ اللازم
انا صرت اتكلم في امور والله العظيم مالكم فيها لا ناقة ولا جمل
الله يرحم والديكم ذاكروا ذاكروا انا موظف والحمدلله الباقيه عليكم الله يوفقكم وتتخرجون وتتوظفون وتاخذون اعلى المراتب بالعلم والاخلاق ان شاء الله
|