السلام عليكم ورحمة الله وبركاتة ,,,
قبل كل شي
جزاكم الله خير ياجامعه انكم فكيتونا من عناء السفر للغربية وتحمل مصاريف زيادة
(لكن) على قولة المثل كانك يابو زيد ماغزيت ايش فايدة اني اجلس في الرياض
لكن اقطع الرياض من شمالها لجنوبها ومن غربها لشرقها وبمسافات كبيرة تصل 48 كم عند البعض
ومو بس كبيرة الا مع زحمات الرياض ووقت الذروة وخروج الموظفين وسكان الرياض عارفين الحالة هذي
بالله مافيه مسئول عاقل في الجامعة يفهم ان الرياض مو مجرد مدينة !!
والدليل انهم حاطين 24 مركز !!! لكن 24 مركز دون فايدة اذا هي تمرمط الطلاب
وتخلي بعضهم يقطع 48 كم من بيته لمركز الاختبار الي اختارته الجامعة (على اي اساس مايندرى) بينما تحصل جنب بيته مركز !!!!!
وبعدين لو ان الجامعه مجبورة على الشي هذا مثلا سكان الجنوب اكثر من الشمال او العكس ماراح نلومهم
لكن الي اشوفة ان الي في الجنوب يختبر في الشمال والعكس !! والله حالة
الدعوة سهله المفترض كل طالب من طلاب الرياض يحدد اي جهه يبيها
ثاني شي
خلاص رضينا بالمرمطة والله يعينا
لكن بكرة تبدا الاختبارات ولحد اليوم البعض مو عارف وين اختباره بس يعرف رقم المركز
وباقي التفاصيل مجهولة !!!!
مثلا انا 10مركز ولا ادري وين مركز 10 هذا فيه لحد اليوم
هذا مانسميها الا مهزلة من الجامعه للاسف
( احد معي في مركز 10 او يعرف شي عنه )
الله يوفق الجميع