ج/ قلم رصاص hb2 & شهاده حضور الأختبار & صوره من بطاقه العائله او الأحوال "
مامعانا قلم رصاص hb2 وش نسوي ؟
ج/ عادي المراكز بتوفره لكم يعني الي مامعاه عادي جدآآ لا يخاف
انا معاي قلم رصاص عادي - روكو - عادي استخدمه ؟؟
ج/ اله التصحيح الخاصه بتصحيح ورقه التفريغ الخاصه بالأختبار م تقبل الا قلم رصاص hb2
غيره م تقبل يعني الي بيحل بغيره يعتبر نفسه - راسب - 
كيف نظام الأسئله ؟
ج/ اختيار متعدد فقط "
عادي ناخذ الأله الحاسبه اذا كانت الماده تحتاجها ؟
ج/ ايه عادي "
لازم نطبع شهاده التعريف ؟
ج/ شهاده التعريف مالها دخل بشي المطلوب منكم شهاده حضور الأختبار وفي بعض المراكز م تتطرق لها انا من يوم م سجلت ب هالجامعه اطبعها واخذها اول يوم وتجلس بالبيت لين اخلص اختبارات
لكن احتياط اطبعوها لان في بعض المراكز تطلبها "
لازم اخذ معاي صوره من كرت العائله او الأحوال ؟؟
ج/ لا مو لازم لكن الشباب مدري يمكن لازم يجيبونها والي معاه الشهاده م يحتاج ياخذ معاه لا احوال ولا كرت عائله "
لكن احتياط ب اول يوم خذو كل شي لأن م عندي اطلاع كامل عل كافه المراكز "
معلومه من عندي ""
(( يجب حفظ ارقام السجل المدني & الرقم الجامعي )) ضرووووري تحفظونهم "
* اثناء تعبئه البيانات الخاصه فيكم اكتبوها شوي شوي وعبوها خانه خانه ورقم رقم اي رقم تحطونه بغير مكانه - ترسبون بالماده -
بالعربي م تطلع لكم نتيجه ابد فيها لين تكلمون الجامعه وحوسه "
في رقم هاتف
وجوال
ورقم crn الخاص بكل ماده (( موجود بورقه الأسئله لا تخافون بس تفرغون ارقامه ))
ورقم السجل المدني و الرقم الجامعي "
اثناء الحل ""
* ابدؤوو بالأجابات السهله اول عشان لا يضيع الوقت شي م عرفتوه اتركوه وكملو ووقت م تخلصون ارجعو له
* انا كنت احل واخلص واراجع وبعد كذا اعبي بياناتي على روقان لأنها تاخذ وقت "
* اقرو الأسئله زين وشوي شوي استعينو بالأدعيه المفيده بوقت الأختبارات "
* الأختيارات واضحه وسهله وهو خيار واحد بس مافي غيره
* مافي سؤال اسمه اختار الأجابه الأصح ابد يعني لا تخافون
امممم وش بعد ؟ اذا عندكم استفسار اخر انا حاضره ""