ملتقى طلاب وطالبات جامعة الملك فيصل,جامعة الدمام - عرض مشاركة واحدة - تعريف بنظام البانر ( خاص بالطلاب المستجدين )

بـــو أحــمــد · 2009- 9- 12

اقتباس:

المشاركة الأصلية كتبت بواسطة مـاريـا

احم احم

سؤااال

أنا فتحت على الجداااول
http://bannerinb.kfu.edu.sa/KFU/ws?p...&p_sex_code=12

هل هذي الشعب والمواد اللي عن طريقهآا ننظم جدااولنآا احنا المستجدات
يعني دفعة 2010 ؟؟

لو كان كذا

اقدر اخطط لترتيب جدولي من الحييين

ويوم السبت 14/10

وقت مايفتح البانر

اسوي الجدول بس ؟؟

ولا جداولنا تنزل واحنا ندخلهآا على طول في نظام البانر ؟؟

مـاريـا
بإذن الله لما تداومين في الجامعة
بيعطونكم معلومات كثيرة عن تسجيل المواد في البنر و الخطة الدراسية ألي رايح تمشون عليها طوال سنوات دراستكم

الخطة الدراسية هي عبارة عن المواد ألي رايح تدرسونها في كل فصل دراسي
يعني مثلاً في الفصل الدراسي الأول من السنة الأولى بتكون فيه مواد محددة لابد تدرسونها
و في الفصل الدراسي الثاني بتكون فيه مواد غيرها رايح تدرسونها
و في الفصل الدراسي الأول من السنة الثانية بتكون فيه مواد مختلفة بتدرسونها
و هكذا ،،،

يعني باختصار في الخطة الدراسية المواد ألي بتدرسونها في كل سنوات دراستكم

أهم شي تعرفين الخطة الدراسية
و بعدها لابد تعرفين طريقة تسجيل المواد في نظام البانر

لما تداومين أول يوم
بيكون فيه خيارين
الخيار الأول
إما كليتك يعطونكم الجدول جاهز و الباقي بس عليكم تسجيل المواد في البانر

الخيار الثاني
يعطونكم الخطة الدراسية و أنتوا ترتبون جدولكم و على كيفكم

تسجيل المواد للمستجدين و المستجدات بيكون ابتداءً من يوم السبت 14/10/1430هـ
كما هو موضح في خطة التسجيل على هذا الرابط :
http://www.kfu.edu.sa/ar/Deans/Admis...lan143010.aspx