صباح الخير ..
خلوني أوضح لكم نقطة مهمة في مثل هالأسئلة اللي يقولك هذا وش يعتبر تكلفة إنتاج أو تكلفة فترة أو تكاليف مباشرة أو غير ذلك ..
في مثل هالأسئلة لا تجاوب من تلقاء نفسك بمعنـى ..
لازم تمر على جميع الخيارات وأنت تفندها أو تصنفها على اللي أنت فاهمه ..
كتوضيح أكثر ..
مثل هالسؤال اللي يقول عامل الخدمـات هل هو تكلفة مباشرة أو تكلفة إنتاجية أو تكلفة ثابته أو تكلفة فترة ..
أنت بهالحالة تروح للخيارات هذي وتسأل نفسك قبل
يعني ..
الخيار الأول التكاليف المباشرة هي ماتضم إلا الأجور المباشرة وعمال الإنتاج واللي مطلوب في السؤال عامل خدمات يعني نستبعد هالخيار ..
الخيار اللي بعده تكلفة ثابته والتكاليف الثابته حنا عرفنا إنها تكاليف لا تتغير بمستوى النشاط وغالباً تكون المباني والتأمين ضد الحريق وغيرها يعني نستبعد هالخيار ..
الخيار اللي بعده تكلفة فترة وإحنا إتفقنا على إن تكلفة الفترة إما إدارية أو تسويقيه أو بيعية وبكذا نستبعد الخيار ..
بكذا يكون الخيار الوحيد الصح اللي هو تكلفة إنتاجية لأنه داخل ضمن العملية الإنتاجية
الشاهد من كلامي في مثل هالأسئلة حاول تمر على الخيارات وتفندها قبل ماتضم اللي هو طالبه منك وتحطه ضمن الخيارات ..
الله يوفقنا جميع ويسهل الأموور ..
تحيـاتي ..