وعليكم السلام و ورحمة الله وبركاته.
إذا أنتِ مقتنعة تمام الاقتناع بالتخصص وحابته فعلًا, ومثل ماتقولين لغتك متوسطة فأنصحك فيه.
لكن مهم تكونين مستعدة لأن تبذلين فيه جهدك, من ناحية تطوير لغتك هذا شيء,
والشيء الثاني الأعمال والمهام اللي تكون طول السمستر تقريبًا, يعني تخصص اللغة الانجليزية تحتاجين تبذلين فيه طوال السمستر من واجبات وعروض واختبارات قصيرة وغيرها.
بالنسبة للمقررات في البداية راح تكون مقررات يسيرة تعتمد على تطويرك باللغة نفسها يعني في القراءة والاستماع والكتابة والتحدث, بعدين راح تكون المواد المتقدمة واللي تحتاج جهد أكبر يعني فهم وتحليل كمواد الأدب واللغويات وغيرها.
التخصص ممتع للي تحبه, ومستعدة تبذل جهدها فيه, وطبعًا مو شرط تكونين متقنة اللغة قبل لا تدخلينه لأن لغتك راح تتطور إذا عملت عليها,
وبالتوفيق..