2011- 12- 16
|
 |
أكـاديـمـي
|
|
|
|
|
**((مــهــزلـــة الــصــدمــة ))**
صراحه صدمه عشتها من أول معرفتي بمقر أختباري
أنا ساكن بحي السلام شرق الرياض ويوجد بالقرب مني مركز لأداء الاختبارات وقد كان كلي أمل أن يكون موقع اختباري فيها ولكن ماحدث لم يكن بالحسبان
صدمت عندما علمت بمقري وهو بمركز خمسه في السويدي >> أول مره أرووح لها من سكنت الرياض
قلت الشكوى لله وتحسبت الله باللي كان السبب
صليت العصر وانطلقت من بيتي بإتجاه السويدي والله لايوريكم زحمه مو طبيعيه أبد تخيلو سرعه السياره القصوى ماتتعدى 20 ك\س
وبحمد الله وصلت مقر الاختبار بالضبط الساعه 5:50 تخيلو يعني ماباقي الا عشر دقايق بس ويبدأ الاختبار
دخلت المدرسه وأنصدم صدمه أشنع من الصدمه الاولى
الناس تتهاوش على ورقتين معلقات بحجه البحث عن الاسم واللجنه
يعني ولله الحمد والمنه ماكثر الله الا الاوراق والجدران يعني ليش ماصار فيه أكثر من موقع داخل المدرسه فيه بيان اللجان
الا قل من الاصل رسائل الجوال ليش ندفع عليها وحنا ماستفدنا منها مع أن المفروض أن تحديد المركز واللجنه يوصل لحد عندنا وبأيدينا ومانتعرض للي تعرضنا له من مهازل ,,
عرفت مقر لجنتي ولله الحمد بعد محاولات شد وجذب بيني وبين الطلاب الله يهديهم اللي كل واحد ماهمه الا نفسه وبالمناسبه يعني أحنا درسنا الاداره ولا شفنا أي أحد قدر أنه يدير نفسه ويحاول يكون منتظم في مسار بحيث يتمكن من معرفه مقر لجنته بنظام الطابور مثلاً ,,
وصلت للجنه ولكن للأسف لجنه لاتملك من أسمها الا روادها من طلاب ومشرف أما المكان فحدث ولا حرج غبار وأوساخ تملأ المكان والطاولات والكراسي ,, بمعنى أخر مكان غير مهيأ أبداً لعقد أختبار فيه
وصلت ورقه الاجابه واوراق الاسئله وحاولت جاهداً ان أفك الشفرات والطلاسم وأستعنت بما تبقى من معلومات في ذاكرتي في محاوله جاده لتلوين ورقة الاجابة ,,,
أخيراً وليس أخراً
أتمنى من المسؤولين تفادي وقوع ماحدث في المستقبل القريب وأخذ التدابير اللازمه وجعلها نقطة مساهمه في العلو والرقي في تقديم خدمات الانتساب بين الجامعات المحليه ومن ثم الدولية بأذن الله
كان معكم من هناك عبووود
|