ملتقى طلاب وطالبات جامعة الملك فيصل,جامعة الدمام - عرض مشاركة واحدة

THE END · #1 2009- 9- 13

بسم الله الرحمن الرحيم ...
السلام عليكم ورحمة الله وبركاته....

ماني عارفة من وين ابدي بس راح احاول اختصر كثر ما اقدر...

من يوم كنت صغيرة دمي ثقيل ما كان احد يحبني طبعا من الكبار وكنت احاول اني افرحهم فيني واضحكهم معاي بس للاسف ما كان احد يتحملني وكانوا يقولولي ثقيلة دم وتسوين نفسج تضحكين و هالكلمات الي ما كنت ودي اسمعهم من احد غير هذا ان احنا عندنا خلافات مع العايلة وابدا ما نتواصل معاهم تعودت على هالحياة الى ان وصلت الثانوي وكانت اول مرة نجتمع مع بنات عم بنت اختي وعلى طول بنت اختي الي تقول انها تحبنا راحت معاهم وهدتنا وبعد ما راحوا اجت لنا واعتذرت وقالت انا مو قصدي اهما قالوا خليج معانا ونفس الشي صار مع بنت خالتي وما قمنا نتكلم معاهم فترة وبعدين رجعنا عادي وقاموا يسونها اكثر من مرة بدايت افعالم كانت صدمة كبيرة واايد علي اول مرة تصير معاي هذي الحركة غير ان انا مو اجتماعية وكانوا البنات الي بالمدرسة ما يحبوني ....
وبعد كل هذا حاولت اني اغير من نفسي وحاولت اني اتعرف على بنات تعرفت على بنات وايد وصاروا البنات الي اعرفهم من وحدة الى عدد كبير بس بدون فايدة مع اني وايد احب الصداقة واخلص لها تعرفت على 10 بنات وكونا شلة على اساس ان احنا ما نفترق ولمن رحت ثالث ثانوي غيروا صفي وحطوني بصف ما في ولاوحدة من صديقاتي ما قدرت اتحمل اني بعيدة عنهم حاولت بكل الطرق اني ارجع بس ما قدرت حسيت ان صار فيني حالة نفسية ما قمت اكل ومنهمة ومنغمة طول الوقت وافكر شلون ارجع بعدها مرضت وغبت عن المدرسة من يوم الاحد وداومت يوم السبت الي بعدة ولا وحدة من رفيجاتي ذاك الوقت اتصلت علي ولمن رحت يوم السبت قلت يمكن يسالوني طلعوا ما يدرون اني غايبة انا بغيت اقطع اهدومي من القهر رفيجاتي كلهم تغيروا علي بعدها قاطعته بس بدون فايدة ...
بعدها حسيت ان مخي مسوح معدلي من 94الى 83 هذا غير الكلام الي يقولونه عني اخواني يالساقطة وياالفاشلة مع اني كنت اذكى وحدة بالبيت ..
صرت ما اعرف ادرس ولا اعرف اتكلم كلام حلو ولا اعرف اسوي صداقات مع البنات الجدد صار همي الوحيد اني اخلص المدرسة عشان ارجع البيت واقعد مع خواتي والمصيبة اني تزاعلت مه وحدة من خواتي بس للاسف ما كانت نفس كل مرة نتراضى بسرعة صار الحين كم شهر ما اكلمها وصارت اختي الثانية معاها ويسولفون مع بعض وهاديني بقيت وحيدة كم شهر مع اني ما تحمل الوحدة بس حبيتها بعد ما الكل خانني وخلاني بروحي وصارت وسافرنا وكانوا خواتي اصواتهم عالية واهم يتكلمون اقولهم صغروا صوتكم وماكو فايده قتلهم ما راح اكلمكم اذا ما سكتوا وصار محد يكلمني ابد ولمن رحنا ننام خالتي كانت ساكنة بفندق ثاني قالت راح تنام معانا وجت وخذت فراشي وانا قلت ابي احسس امي فيني رحت نمت بالغرفة الثانية ونمت بالبرد وما كان عندي شي عشان اتغطى فيه وما قدرت اغفى وامي نايمة غافية خلاص ماعندي حل الا اني اروح لها رحت لها ونمت معاها....
بعد ما رجعنا من السفر قدمت على جامعة وما قبلوني اهني ابو التحطيم الي صار عندي بعدها خلاص ما قدرت اصلي احاول اصلي بس ما اقدر ضغطت على نفسي وايد بس ما قدرت لين الحين وانا ماني قادرة اصلي ويوميا افكار الانتحار تدور فبالي انا عارفة اني استهبل فالكرة بس قاعدة ادخلها وغير كل يوم ابكي فيه بشكل مو طبيعي لمن عيوني وخشمي ينتفخ...
يعني زبدة الكلام صرت ما اصلي واكره الناس وما القى راحتي الا اذا صرت بروحي ارتاح..
ادري ان كثرت عليك بس من جد انا من داخلي ابي اغير كل شي فيني بس ماني قادرة...