المشاركة الأصلية كتبت بواسطة عريس الشمس

صبحكم الله بالخير جميعاً .
والله إننا شعب ما ننعطي وجه أبداً أبداً . هلحين الله يجزاهم خير الجامعه أعطونا محاضرات على الإنترنت وتقدر تشوف المحاضرات و إنت في بيتك والا الإستراحه والا الشارع والا العمل والا على سريرك بعد . و تحل بس ثلاث واجبات ولا إنت مجبور بالحضور و تختبر في نفس مدينتك يعني ماقالو لك تعال وإختبر في الجامعه في الأحساء والرسوم شبه مجانيه بمبلغ رمزي . يعني مو زي الجامعات الثانيه اللي تجبرك بحضور الإختبار ويكون الإختبار من 100 درجه . و قاعدين نتشرط بعد !!!! أنا ساكن في ضاحية لبن و أختبر في ثانوية القدس يعني بمخرج 10 يعني من أقصى الغرب لأقصى الشرق في الرياض والحمد لله راضي تمام الرضا . والمفروض تحمدون ربكم على هالخدمه والمساعده اللي سووها لنا وخلوك تدرس الجامعه من على سرير غرفتك . أنا عارف إن فيه ناس بتقول أنا أدرس بفلوسي ولا لهم منه علي ، بس هذا مو منطق ولا يعتبر الفلوس اللي دفعناها إنها كل شي و تقدر تشتري كل رغباتك بهالمبلغ اللي 2450 ريال إنها تعادل شهاده جامعيه بتخصص إدارة أعمال . فإحمدو ربكم على عالنعمه اللي إنتو فيها ...

تحياتي لكم جميعاً *