المشاركة الأصلية كتبت بواسطة عزيّـز

يعني وش الجديد !!!!

يقول لك نفس اسئلة الترم الي فات لا تشيلون هم ذاكرو المحتوى والكتاب

طبعا الكتاب مافيه امل اشتريه ولانيب دافع فيه ربع ريال خصوصا اني دفعت قيمة رسالة الجوال 15 ريال
نكتفي بهذا القدر

<<== قعيطي متطور


بالنسبة للمحتوى حملت المحتوى ولكن مخي ضرب بصراحة مابين الدوام وضغط العمل والدراسة والبيت والاطفال ومراقبة عيال ابو سليمان جارنا الي باخر الشارع كل شوي يكسرون لمبات بيتنا

القاه من مين والا مين

يعني في النهاية الدكتور ما جاب شي جديد ==> ذاكر المحتوى وذاكر الكتاب ولا تشيل هم !! اكيد مانيب شايل هم اذا ذاكرتهم

ياحظ جامعة الامام كلها 20 صفحة
والا جامعة الملك عبد العزيز بجدة ملخص يطبعونه ما يتعدى 25 صفحة بعد

الا حنا هنا بهالجامعة مافيه الا ظرب على القفا واجبات ومحاضرات ومشاركات وكتاب ومحتوى .. يااااا ليل مطولك


على كل حال
الله يوفقنا وياكم يارب
واذا لقيتم اسئلة الترم الي فات ردو لي خبر
تراي من جنبها وطفشت ومريض ومسخن ومزكم والجو ما يساعد ودوام الصبح واختبار العصر وبيتي في الروضة والاختبار في العريجا مدري الدخل المسدود ! والله ياهو مشوار
ومن قلة الحيلة بجنب نادي النصر يعني مافيه نجاح