اللي يقول احمدوا ربكم واحمدوا ربكم .. الحمد لله على كل حال
بس هذا حق من حقوق الطالب ولا تجلس تمن عليك الجامعة بهالسوالف !!!
لو ماحطت الا مركز واحد بالرياض ماقلنا شي والبعيد خله يطق مشوار لكن تجي ترز لي عشرين
مركز ثم تجدع العالم بكل زاوية ثم تقولي احمد ربك الجامعة مسويه ومسويه؟ عسى ماشر؟؟
المفروض محددة المراكز بالرياض ومعطيه كل مركز نسبة معينة من الطلاب مثل مركز أ يضم 200 طالب
ومركز ب 300 طالب وتعطي الفرصة للطالب انه يختارر المركز المناسب له ولما يمتلي المركز ولا يكون فيه مكان شاغر يعطيك علامة اكتفاء وروح شوف مركز ثاني غيره وهكذا !! .. بالله هذي صعبة تسويها جامعة فيصل؟؟؟؟؟ والا فيها تعقيد ؟؟؟؟ .. لا ومن زود البجاحة ماتدري وين مركز اختبارك الا ليلة الامتحان !!! .. عسى ماشر لايكون الجامعة ماتدري ان عن وقت الاختبارات ومتى راح تبدا؟؟ ... تعلم الطلاب الادارة واحترام الوقت و و و و وبالاخير تضرب بعرض الحايط الالتزام بالوقت وتوفير سبل راحة الطالب مقابل المبالغ اللي يدفعها؟؟؟؟؟؟
مشكلتنا .. لا شفنا غلط قلنا احمد ربك واسكت .. الغلط غلط لو كان صعب حله قلنا الشكوى لله .. لكن حله تافه واتفه من التافه وتتعامل معه الجامعة بهالشكل المستفز؟؟؟؟