ملتقى طلاب وطالبات جامعة الملك فيصل,جامعة الدمام - عرض مشاركة واحدة

اورجوان · 2009- 9- 15

اقتباس:

بسم الله الرحمن الرحيم
السلام عليكم و رحمة الله و بركاته ..

و عليكم السلام و رحمة الله و بركاته

اقتباس:

تدرون أنا ما وحدة من معارفي انقبلت في هالدفعة يعني بالعربي ما أعرف أحد
و أتوقع الكثير من اللي انقبلوا هالسنة يعانون نفس المشكلة ..

فقلت ليه ما نتجمع هناآ .. على الأقل نتبادل المعلومات و المشاعر ..
و حتى الإستفسارات .. ياليت لو يشاركوناآ أصحاب الدفعات اللي قبل
عشان نقتبس من خبراتهـــم و نتعلم منهم و من تجاربهم ..

باين شقد متوترين ,,

الله يساعدكم و يساعدنا ..

اقتباس:

.. بالنسبة لتسجيل المواد أحد عنده فكرة متى يبدأ .. و أنا استغربت انوو بيوم
اللي قدمت الفحص الطبي عطوني سي دي و أتوقع كلكم عطوكم , عن طريقة
التسجيل بالبانر , فتحت البانر بس للأسف ما يدخل , يعني متى راح نسجل ,
طول الإجازة حناآ فاضيين لو مستغلينها بتسجيل المواد كان أفضل ,

التسجيل له وقت محدد تسجلين فيه , مش على طول مفتوح ,,

يعني انتظري اختي الى ان يحين موعد التسجيل و هو راح يكون بعد العيد ..

لكل دفعه يوم ,,

و فيه يوم مفتوح لجميع الدفعات

لا تحاتين شي !

و بنفس الوقت ,, يمكن الكلية هي الي تسجلكم !

يعني لا تقلقون و تضيعون مجهود في التفكير بهالموضوع ,,

اقتباس:

عندي استفسار لأختي أورجوان .. إذا ممكن تفيدينا بالمواد التابعة لسنة أولى
و عن مدى صعوبتها , و هل الحصول على معدل مرتفع مثل 4.5 يتطلب جهد
أكبر من الجهد المبذول عادة في الدراسة .. ؟

شكراً لكم ..

اختي الكريمة , الشرح الوافي تجدينه في النبذه المختصره ! ,, اظن قريتيها من قبل ,,

لكن بشكل عام .. أحب أقول لكم ..

الأحياء مادة تحتاج شوية مجهود لكنها ترفع المعدل اذا جبتي فيها درجات لانها تنحسب ك 8 ساعات .. شدو حيلكم فيها ..
الكيمياء و الفيزياء :mh19: انتو خابرينهم ! كل وحده عندها انطباع خاص عن هالمواد مدري تحبونهم ولا لا , لكنكم تقريبا راح تدرسون نفس الي اخذتوه بثنوي مع بعض الاضافات البسيطة ..

الانجليزي ,, بتواجهون فيه شوية صعوبات ,, لكن بالمثابرة و التركيز مع المحاضرة تسهل الامور ان شاء الله

سنة أولى , فقط تحتاج إلى مثابرة على الجد و الاجتهاد
و بالنسبة للمعدل أختي .. اذا شديتي على نفسك بتجيبينه ان شاء الله

اما اذا تكيسلتي اكيد ما بتجيبينه !

باختصار ..

لابد انكم تخوضون التجربة و تعرفون وش تحتاجون من مجهود علشان تبذلونه !

اما الكلام ,, ما راح يفيدكم بشي !

لابد فعل .. يعني لابد مذاكرة ..

و طبعا تحتاجون الى شوية مجهود اضافي على الي بذلتوه في ثالث ثنوي ..

و بالتوفيق