|
بخصوص اكراميه الملك عبد الله لطلاب الانتساب.."
السلام عليكم ورحمه الله وبركاته
كيفكم مع الاختبارات ان شاء الله تمام
ادري الحين مو وقت الموضوع بس والله من جد انقهرت
الاسبوع الي راح طلاب الانتساب بجامعه الملك عبد العزيز حصلو ع المكافئه وقدرها الف وسبعميه ريال
طيب واحنا وش موقعنا من الاعراب ليكون جامعتنا مو حكوميه ولا مو معترف فيها؟؟!!
مومعقوله يعطو طلاب جامعه والاخرى لا اذا نزلت اكيد تنزل لكل الطلبه
بس حنا سكتنا وحقنا وين راح اكيد في احد بياخذه انا ماتهم احد
بس اكيد لنا شي زينا زيهم بس شكله لابهاذي ولا بحافز حافز يقول انتم طلاب جامعه
وهذول يقول انتو عاطلين تتبعو حافز وبالاخير ولا شي
انا بصراحه ودي اكلم عميد الجامعه واستفسر بس بصراحه ماعندي جراءه
ودي اعرف هل بتنزلنا ولا لا واذا لا ليه حامعه الملك عبد العزيز نزلتلهم لا تقولون اشعات
بنت عمي هي اللي قالتلي ونزلتلها وهي الحين موضفه بس مقدمه اوراقها قبل لاتتوضف
طيب والحل
هل بنسكت على حقنا ونخليهم ياكلوه؟؟
ولا نطالب فيه؟
وتقبلو تحياتي بس ترا الف وسبعميه حلوه تفك زنقه
وذاكروزين
ايه ومن هذا المنبر اشكر امبيشن على ملخصاتها الحلوه ياحبي لاختصاراتك
ومن اليوم رايح مابي غير ملخصاتك
ولا انسى بقيه الطلبه اللي سوو ملازم كلكم مشكورين
ويجزاكم ربي الف خير
|