البريئه على طاري الاكتئاب ذكرتيني بتجربتي قبل سنتين
كانت مجموعه من الاحداث مؤسفه مرت علي كانت احداث عادية وانا بنيت عليها اوهام مالها داعي
من مرض امي الى فراق صديقاتي ودخول فصل الشتاء <<اللي يسبب لي الاكتئاب دائما
اوهام فوق اوهام فوق اوهام حزن وكآآبه تحول الى امراض عضوية
صعوبة تنفس + الم في القلب + فجأة دوخه وعدم توازن
صعوبة التنفس الله لا يعيدها ان شاء الله كنت امسك بيد اللي جنبي وانبهم اني مو قادرة اتنفس كانوا يساعدوني ويهفون علي الهواء وتتكرر شبه يومي <<مع انها ما تستمر الا بضع ثواني
بس كنت اتمنى الموت لحظتها ولا اشعر بذاك الشعور
وبذك الوقت بدأ الم القلب يزيد واراجع المستشفى واسوي تخطيط والدكتورة تقول في مشكلة بس بسيطه
تروح من نفسها مافي لها علاج لكن الاوهام تزيد وتزيد
وبدت معي الدوخة صرت ما امشي خطوتين الا تجيني دوخة واضطر للجلوس بمساعدة من حولي والم بالراس <<وتزيد الاوهام اكثر
بدأ كلامي يقل واذا تكلمت اتكلم والعبرة خانقتني احس هذا اخر كلامي معهم وبودعهم
صرت اكرهـ النوووم كل ماجيت انااام احس اني داخله قبري واحس بكتمه وكأني في مكان ضيق
واذا تلحفت احس البطانية كفني <<<<والاوهااام تزيد ثم تزيد
وبالليل الكل ينام ويصبح البيت هادي وهنا قمت العذاب احس بالوحدهـ <<شعور قاتل
استمرت هذه الحالة لمدة شهر او اكثر
وبعدين بدت تتحسن حالتي
امي تشافت وصديقاتي مازالوا عندي
في المستشفى حولو ملفي لدكتورة ثانية وقالت لي يا فلانه انتي مافيك شيء
وانا بلغي مواعيدك لأنك انتي اصح مني وعيشي حياتك وخلك من الاوهام
وصرت اجلس من الصباح بدري الى الغروب تحت اشعه الشمس وانهك نفسي باشغال متعبه طول النهار
عشان انام بالليل واذا مانمت ابدأ اكلم اي احد من صديقاتي بالمسن او وحدة من خواتي
اهم شيء ما اجلس لحالي
الصداع وضيقة النفس راحواا
ومع الصلاة والدعاء نفسي ارتاحت وبديت اهتم بالأذكار
والقران دايم معي يا اقراهـ او مشغل في الغرفة
وتدريجيا رجعت مثل اول واحسن بعد ما فقدت كثير من وزني خلال هذاك الشهر
بس اللحين فهمت الحياة اكثر ومستحيل اسمح لاي حدث انه يسبب لي حالة الاكتئاب اللي عشتها قبل
مهما كان حجمه فكل مشكلة لها حل وفي كل مصيبه نفوض امرنا لله
فإننا لله
وان اليه لراجعون