المشاركة الأصلية كتبت بواسطة abu yummna

فيه شطحة قبل الاختبار ...
وانا توني طالع من بيتي

هههههههههه جيت بشغل السياره ..
الا قطو مسندح فوق المكينه ...
ميو ميو

وافتح الكبوت ابيه يطلع .. وانشب بين الصدام والمروحه
يابو شنب اذكر الله وراي اختبار ... اذا خلصت مختبر .. تعال واحط لك لحمه لو تبي

عيا ..

المهم .. قلت اوريك فيه .. واعرف ان عدو القطو .. الماء
ههههههههههههه

واجيب لي الماء و اسبحه يوم طلع شكله تحفه ..
نط تحت السياره .. وراح نشب عند الكفر الي ورا عند الهوب
من جوا
ياليل الليييييييييييييل
وبلي الماء
مره ثانيه احاول احاول
ماش
عيااا

بالاخير زبن في الاستبناء
تحت
وطبعا هو كله ماء
قلت اوريك ياقطو (( يا عتوي قريح ))
اذا ما مترت بك شوارع الرياض كلها وانت رطب كلك ماء

وهذا الي صار ..

ومشي به 120 في الشوارع .. و 160 في الدائري
خخخخخخخخخخ
خليت البرد يلعب في فيه

والله اني واقف عند المدرسه الي بختبر فيها واسمعه
ميو ميو ميو

حتى لما طلعت اسمع صوته بس مو بسيارتي
شكله زبن بسياره ثانيه

المشكله ان السالفه كلها جلست فيها حوالي نص ساعه
طلعت من بيتي الساعة 4:45 ولا خلصت من القطو الا 05:15


تحياتي للجميـع